ஊழியர் வருங்கால வைப்பு நிதி அமைப்பு (EPFO) உறுப்பினர்களுக்கான முக்கியமான தகவலாக, ஆதார் அட்டையின்படி EPFO பதிவுகளில் தங்கள் பெயர் மற்றும் பிறந்த தேதியை (DOB) ஊழியர்கள் தாங்களாகவே மாற்றிக்கொள்ளலாம் என அறிவித்துள்ளது.
EPFO வழங்கிய தகவலின்படி, உறுப்பினர் ஒருங்கிணைந்த போர்ட்டலுக்கு செல்வதன் மூலம் உறுப்பினர்கள் தங்கள் விவரங்களை மாற்றிக் கொள்ளலாம்.
பின்வரும் ஆவணங்களில் ஏதேனும் ஒன்று பிறந்த தேதிக்கான சரியான சான்றாக ஏற்றுக்கொள்ளப்படலாம்:
1. பிறப்பு மற்றும் இறப்பு பதிவாளரால் வழங்கப்பட்ட பிறப்பு சான்றிதழ்.
2. ஏதேனும் பள்ளி அல்லது கல்வி தொடர்பான சான்றிதழ்.
3. மத்திய அல்லது மாநில அரசு அமைப்பின் சேவைப் பதிவுகளின் அடிப்படையிலான சான்றிதழ்.
4. பாஸ்போர்ட்.
5. அரசாங்கத் துறையால் வழங்கப்படும் நம்பகமான ஆவணம்.
6. மேலே குறிப்பிட்டபடி பிறந்த தேதிக்கான ஆதாரம் இல்லாத பட்சத்தில், தகுதிவாய்ந்த நீதிமன்றத்தால் முறையாக அங்கீகரிக்கப்பட்ட உறுப்பினரின் உறுதிமொழிப் பத்திரத்துடன் ஆதரவளிக்கப்பட்ட பிறகு, உறுப்பினரை மருத்துவ ரீதியாக பரிசோதித்து, சிவில் சர்ஜனால் வழங்கப்பட்ட மருத்துவச் சான்றிதழ்.
7. EPFO இல் பதிவுசெய்யப்பட்ட பிறந்த தேதியின் அதிகபட்ச வரம்பு கூட்டல் அல்லது கழித்தல் மூன்று ஆண்டுகள் வரை ஆதார் அல்லது இ-ஆதாரின்படி பிறந்த தேதியில் மாற்றம் ஏற்றுக்கொள்ளப்படும்.
ஆதார் அட்டையின்படி EPFO பதிவுகளில் பெயர் மற்றும் DOB-ஐ மாற்றுவதற்கான படிகள்:
படி 1: உறுப்பினர் ஒருங்கிணைந்த போர்ட்டலைப் பார்வையிடவும்.
படி 2: UAN, கடவுச்சொல் மற்றும் CAPTCHA ஐ உள்ளிடவும்.
படி 3: உள்நுழை என்பதைக் கிளிக் செய்யவும்.
படி 4: நிர்வகி என்பதைக் கிளிக் செய்து, அடிப்படை விவரங்களை மாற்று என்பதைக் கிளிக் செய்யவும்.
படி 5: ஆதார் அட்டையில் உள்ளபடி ஆதார் எண், பெயர் மற்றும் பிறந்த தேதியை உள்ளிடவும். சேமி/சமர்ப்பி என்பதைக் கிளிக் செய்யவும். ஆம் என்பதைக் கிளிக் செய்யவும்.
படி 6: உங்கள் பெயர் மாற்றக் கோரிக்கையை அங்கீகரிக்குமாறு உங்கள் நிறுவனத்திற்குத் தெரிவிக்கவும்.
"தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil
/indian-express-tamil/media/agency_attachments/33Ho9XHwZawzDekwDLnu.png)
Follow Us/tamil-ie/media/media_files/uploads/2021/09/Epfo-1-1.jpg)