81 சதவீத வருமானம்; ஈ.டி.எஃப் ஃபண்டுகள் தெரியுமா?

Top ETF mutual funds | பரிவர்த்தனை-வர்த்தக நிதிகள், அல்லது ப.ப.வ.நிதிகள், பங்குச் சந்தையில் பொதுவான பங்குகளைப் போன்று வர்த்தகம் செய்யப்படுகின்றன.
அசோசியேஷன் ஆஃப் மியூச்சுவல் ஃபண்ட்ஸ் இன் இந்தியா (AMFI) படி, ETFகள் ஒரு குறியீடு, ஒரு பொருள், பத்திரங்கள் அல்லது ஒரு குறியீட்டு நிதி போன்ற சொத்துகளின் முதலீடுகளை கண்காணிக்கும்.

ஒரு ப.ப.வ.நிதியின் வர்த்தக விலை மற்ற பங்குகளைப் போலவே நாள் முழுவதும் மாறுகிறது. ஏனெனில் அது பரிமாற்றத்தில் வாங்கப்பட்டு விற்கப்படுகிறது.
இந்த நிலையில், கடந்த ஓராண்டில் ஆறு ப.ப.வ.நிதிகள் 80 சதவீதத்திற்கும் அதிகமான வருமானத்தை அளித்துள்ளன, அதிகபட்சமாக சுமார் 110 சதவீதம் உயர்ந்துள்ளது.

அந்த வகையில் சிறப்பாக செயல்பட்ட ஈடிஎஃப் நிதிகள் குறித்து பார்க்கலாம்.

சி.பி.எஸ்.இ ஈடிஎஃப்
சி.பி.எஸ்.இ ஈடிஎஃப் நிதி கடந்த 1 வருட காலத்தில் 109.22% வருமானத்தை அளித்துள்ளது. ஃபண்டின் நிகர சொத்து மதிப்பு ரூ.86.87 ஆக உள்ளது.

மோதிலால் ஓஸ்வால் S&P BSE மேம்படுத்தப்பட்ட மதிப்பு ETF
நம்பர் 2 நிலையில் உள்ள ஃபண்ட் 1 வருடத்தில் 97.23% வருமானத்தை அளித்துள்ளது. இதன் என்ஏவி மதிப்பு ரூ.86.87  ஆகும்.

ஐசிஐசிஐ ப்ரூ நிஃப்டி பிஎஸ்யு வங்கி ஈடிஎஃப்
ICICI வழங்கும் ETF 83.21% வருமானத்தைக் கொண்டுள்ளது. நிதிக்கான என்ஏவி ரூ.76.32 ஆகும்.

கோடக் நிஃப்டி PSU வங்கி ETF
1 வருட காலத்தில் 82.82% வருவாயுடன், கோடக் நிதியும் சிறந்த செயல்திறன் கொண்ட நிறுவனங்களில் ஒன்றாகும். நிதிக்கான NAV அளவு ரூ.755.30 ஆகும்.

நிப்பான் இந்தியா இடிஎஃப் நிஃப்டி பொதுத்துறை வங்கி பீஸ்
நிப்பான் இந்தியாவிலிருந்து ETF ஒரு வருடத்தில் 82.70% வருமானத்தை அளித்துள்ளது. நிதியின் NAV மதிப்பு ரூ.84.24 ஆகும்.

கோடக் நிஃப்டி ஆல்பா 50 ஈ.டி.எஃப்
கோடக்கின் மற்றொரு ஃபண்ட் இந்த ஆண்டில் 81.20% வருமானத்தைக் கொடுத்துள்ளது. இதன் என்ஏவி ரூ.48.51 ஆகும்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“