எஃப்.டி முதலீட்டில் முக்கிய விதி மாற்றம்: இனி கவலையை விடுங்க!

Non-callable Fixed Deposit Rule Change 2023:  முதிர்வு தேதிக்கு முன் திரும்பப் பெற முடியாத வைப்புத்தொகைகள் அழைக்க முடியாத வைப்புத்தொகை எனப்படும்.

இந்த நிலையில், இந்திய ரிசர்வ் வங்கி, அழைக்க முடியாத கால டெபாசிட்டுகளுக்கான குறைந்தபட்ச தொகையை ரூ.15 லட்சத்தில் இருந்து ரூ.1 கோடியாக உயர்த்த முடிவு செய்துள்ளது.

இதன் பொருள் என்னவென்றால், 1 கோடி ரூபாய் வரையிலான அனைத்து நிலையான வைப்புகளுக்கும் முன்கூட்டியே திரும்பப் பெறும் வசதி இருக்கும்.

மேலும், ரிசர்வ் வங்கி முன்னதாகவே வங்கிகள் உள்நாட்டு டெபாசிட்களை (டிடி) முன்கூட்டியே திரும்பப் பெறும் விருப்பம் இல்லாமல் வழங்க அனுமதித்திருந்தது, தனிநபர்களிடமிருந்து ரூ.15 லட்சம் மற்றும் அதற்குக் குறைவான தொகைக்கு ஏற்றுக்கொள்ளப்பட்ட அனைத்து டிடிகளும் முன்கூட்டியே திரும்பப் பெறும் வசதியைக் கொண்டிருக்கும்.

என்ன மாற்றம் நிகழ்ந்துள்ளது?

அழைக்க முடியாத நிலையான வைப்புத்தொகைக்கான குறைந்தபட்ச தொகையை ரூ.1 கோடியாக உயர்த்த ரிசர்வ் வங்கி முடிவு செய்துள்ளது.

இது குறித்து ரிசர்வ் வங்கி அக்.26ஆம் தேதி வெளியிட்ட அறிக்கையில், “"அழைக்க முடியாத டிடிகளை வழங்குவதற்கான குறைந்தபட்சத் தொகை பதினைந்து லட்சத்தில் இருந்து ஒரு கோடி ரூபாயாக அதிகரிக்கப்படலாம், அதாவது தனிநபர்களிடமிருந்து ஒரு கோடி ரூபாய் மற்றும் அதற்குக் குறைவான தொகைக்கு ஏற்றுக்கொள்ளப்படும் அனைத்து உள்நாட்டு கால வைப்புகளுக்கும் முன்கூட்டியே திரும்பப் பெறும் வசதி இருக்கும்" எனத் தெரிவித்துள்ளது.

பொதுவாக வங்கிகள் இரண்டு வகையான கால அல்லது நிலையான வைப்புகளை வழங்குகின்றன. அவை, அழைக்கக்கூடிய மற்றும் அழைக்க முடியாத ஃபிக்ஸட் டெபாசிட் திட்டங்கள் ஆகும் என்பது குறிப்பிடத்தக்கது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“