Gold Rate Today, 14 August: தங்கம் வாங்க சரியான நேரம்; மாறாத தங்கம் விலை; நகை பிரியர்கள் மகிழ்ச்சி!

Gold Rate Today, 14 August: தங்கம் விலை இந்த ஆண்டின் தொடக்கத்தில் இருந்தே தாறுமாறாக உயர்ந்து மக்களை கதி கலங்க வைத்து வருகிறது. இடையிடையே சற்று குறைந்தாலும் அவ்வப்போது புதிய உச்சம் தொட்டு, நகை பிரியர்களுக்கு ஷாக் கொடுத்தது. கடந்த சில வாரங்களாகத் தங்கம் விலை தொடர்ந்து உயர்ந்து வந்தது. குறிப்பாக, இம்மாத தொடக்கத்தில் சவரன் தங்கம் ரூ.73,000 ஆக இருந்த நிலையில், படிப்படியாக உயர்ந்து கடந்த ஆக.6-ம் தேதி ரூ.75,000-ஐ தாண்டியது. அதன்பிறகு 7-ம் தேதி ரூ.75,200 ஆகவும், அடுத்த நாள் ரூ.75,760 ஆகவும் புதிய உச்சத்தை தொட்டது. இந்த தொடர் விலை உயர்வால் நகை பிரியர்கள் கலக்கம் அடைந்தனர்.

கடந்த சனிக்கிழமையன்று தங்கம் சவரனுக்கு ரூ.200 குறைந்திருந்தது. அன்று ஒருகிராம் ரூ.9,445-க்கும், சவரன் ரூ.75,560-க்கும் விற்பனையானது. ஞாயிற்றுக்கிழமை விலையில் மாற்றம் இல்லை. திங்கட்கிழமை தங்கம் விலை சற்று குறைந்தது. நேற்றும் (செவ்வாய்கிழமை) தங்கம் விலை ரூ.640 குறைந்திருந்தது.

இந்நிலையில் நேற்று (புதன்கிழமை) சென்னையில் 22 கேரட் ஆபரணத் தங்கத்தின் விலை சவரனுக்கு ரூ.40 குறைந்து ரூ.74,320-க்கும் ஒரு கிராம் தங்கத்தின் விலை ரூ.9,290-க்கும் விற்பனையானது. 4-வது நாளாக நேற்று தங்கம் விலை சற்று குறைந்த நிலையில், இன்றும் அதே விலையே நீடிக்கிறது. இதனால் நகை பிரியர்கள் மகிழ்ச்சியடைந்துள்ளனர். வெள்ளி விலை மட்டும் கிராமுக்கு ரூ.1 உயர்ந்து ஒரு கிராம் 127 ரூபாய்க்கும், ஒரு கிலோ வெள்ளி 1,27,000 ரூபாய்க்கும் விற்பனை செய்யப்படுகிறது.