தங்கம் விலை வரலாறு காணாத உச்சம்! சவரனுக்கு ரூ. 81 ஆயிரத்தை தாண்டி விற்பனை

தங்கம் வாங்கும் கனவில் இருக்கும் அனைத்து நடுத்தர மக்களுக்கும், இல்லத்தரசிகளுக்கும் இது ஒரு அதிர்ச்சி செய்தி! கடந்த சில நாட்களாக தொடர்ந்து உயர்ந்து வந்த தங்கம் விலை, இன்று ஒரு புதிய உச்சத்தை எட்டி, அனைவரையும் திகைக்க வைத்துள்ளது.

கடந்த ஆகஸ்ட் 26ஆம் தேதியிலிருந்து தங்கம் விலை படிப்படியாக உயர்ந்து வந்தது. குறிப்பாக, ஆகஸ்ட் 29ஆம் தேதிக்கு பிறகு ஒவ்வொரு நாளும் ஒரு புதிய உச்சத்தை தொட்டது. கடந்த 4ஆம் தேதி, ஒரு சவரன் தங்கம் ரூ.78,000ஐ தாண்டியது. 

கடந்த 6ஆம் தேதி, சென்னையில் ஒரு கிராம் தங்கம் ரூ.10,005 என்ற புதிய உச்சத்தை தொட்டது. அதாவது, ஒரு சவரன் தங்கம் ரூ.80,040க்கு விற்கப்பட்டது. நேற்று முன்தினம் விலை மாற்றமில்லாமல் இருந்தது. ஆனால், நேற்று காலை தங்கம் விலை சற்றே குறைந்தது. ஒரு கிராம் ரூ.35 குறைந்து ரூ.9,970க்கும், சவரனுக்கு ரூ.280 குறைந்து ரூ.79,760க்கும் விற்கப்பட்டது. 

பிறகு நேற்று மாலை, தங்கம் விலை மீண்டும் கிடுகிடுவென உயர்ந்தது. ஒரு கிராமிற்கு ரூ.90ம், ஒரு சவரனுக்கு ரூ.720ம் அதிகரித்தது. இதனால், ஒரு கிராம் ரூ.10,060க்கும், ஒரு சவரன் ரூ.80,480க்கும் விற்பனையானது. 

இன்றைய நிலவரம்!

சென்னையில் ஆபரணத் தங்கத்தின் விலை இன்று ஒரு புதிய வரலாறு படைத்துள்ளது. நேற்று இருந்த விலையில் இருந்து மேலும் உயர்ந்து, ஒரு கிராம் ரூ.10,150க்கு விற்பனை செய்யப்படுகிறது. ஒரு சவரன் ரூ.720 உயர்ந்து, இப்போது ரூ.81,200க்கு விற்பனையாகிறது. 

வெள்ளி விலை மாற்றம் இல்லை!

தங்கம் விலை உச்சம் தொட்டாலும், வெள்ளி விலையில் எந்த மாற்றமும் இல்லை. ஒரு கிராம் வெள்ளி ரூ.140க்கும், ஒரு கிலோ வெள்ளி ரூ.1,40,000க்கும் விற்பனை செய்யப்படுகிறது.