வரலாறு காணாத உச்சம்: ஒரே நாளில் ரூ. 1480 உயர்வு- ஒரு சவரன் தங்கம் ரூ. 91,080-க்கு விற்பனை

சர்வதேச சந்தையில் தங்கத்தின் மீதான முதலீடுகள் தொடர்ந்து அதிகரித்து வருவதால், சென்னையில் ஆபரணத் தங்கத்தின் விலை இன்று (அக்டோபர் 8) வரலாறு காணாத உச்சத்தைத் தொட்டுள்ளது. இன்று ஒரே நாளில் இரு முறை விலை உயர்ந்து, ஒரு சவரன் தங்கம் ரூ. 91,080-க்கு விற்பனை செய்யப்படுகிறது.
 
இன்றைய அதிரடி ஏற்றம்:

இன்று காலை, 22 காரட் ஆபரணத் தங்கம் விலை கிராமுக்கு ரூ. 100 உயர்ந்து, ஒரு சவரன் ரூ. 90,400-க்கு விற்பனையானது.

இந்த நிலையில், வர்த்தகம் முடிவதற்கு முன்பு, இன்று இரண்டாவது முறையாக தங்கம் விலை மீண்டும் உயர்ந்துள்ளது. அதன்படி, கிராமுக்கு ரூ. 85 உயர்ந்து ஒரு கிராம் ரூ. 11,385-க்கும், ஒரு சவரனுக்கு ரூ. 680 உயர்ந்து ரூ. 91,080-க்கும் விற்பனை செய்யப்படுகிறது.

கடந்த மூன்று நாட்களில் மட்டும் தங்கம் விலை சவரனுக்கு ரூ. 3,480 உயர்ந்துள்ளது. 

அதே போல், 18 காரட் தங்கம் விலையும் கிராமுக்கு ரூ.60 உயர்ந்து ஒரு கிராம் ரூ.9,425க்கும், சவரனுக்கு ரூ.480 உயர்ந்து ஒரு சவரன் ரூ.75,400க்கும் விற்பனையாகிறது.

வெள்ளி விலையும் உயர்வு:

தங்கத்தைப் போலவே, வெள்ளி விலையும் இன்று கிராமுக்கு ரூ. 3 உயர்ந்து, ஒரு கிராம் வெள்ளி ரூ. 170-க்கும், ஒரு கிலோ வெள்ளி ரூ. 3,000 உயர்ந்து ரூ. 1,70,000-க்கும் விற்பனை செய்யப்படுகிறது.

சர்வதேச பொருளாதார நிலையின் காரணமாக தங்கத்தின் மீதான ஆர்வம் அதிகரித்து வருவதே இந்த தொடர் விலை உயர்வுக்கு முக்கிய காரணமாகக் கூறப்படுகிறது.