Gold, Silver Rates Today News Updates in tamil: உலகச் சந்தைகளில், அமெரிக்க டாலர் 20 ஆண்டுகளில் இல்லாத அளவுக்கு உயர்ந்ததைத் தொடர்ந்து தங்கம் இன்று ஒன்பது மாதங்களில் இல்லாத அளவுக்குச் சரிந்தது. ஸ்பாட் தங்கம் ஒரு அவுன்ஸ் ஒன்றுக்கு 1,734.97 டாலராக ஆக இருந்தது. இது கடந்த செப்டம்பர் 30 முதல் 1,722.36 டாலராக மிகக் குறைந்த விலையை எட்டியது. எரிசக்தி நெருக்கடி ஐரோப்பிய பொருளாதாரத்தை மந்தநிலைக்குள் தள்ளக்கூடும் என்ற கவலையின் காரணமாக யூரோ டாலருக்கு இணையாக இருந்தது. டாலரின் வலிமை மற்ற நாணயங்களை வாங்குபவர்களுக்கு கிரீன்பேக்-விலை தங்கத்தை விலை உயர்ந்ததாக ஆக்குகிறது.
இதையும் படியுங்கள்: Today Gold Rate: தங்கம் விலை கூடுமா? அமெரிக்க நிலவரம் அறிய காத்திருக்கும் முதலீட்டாளர்கள்
தங்கம் விலை உலகளாவில் தணிந்து வருவதால், இந்தியாவில் தங்கம் கடந்த வாரத்தின் உச்சத்திலிருந்து கடுமையாக சரிந்துள்ளது. கடந்த வாரம், டாலருக்கு நிகரான இந்திய ரூபாய் மதிப்பு சரிவைக் கட்டுப்படுத்தும் வகையில், மத்திய அரசு திடீரென இறக்குமதி வரியை உயர்த்தியது. இதனால் உள்நாட்டுச் சந்தையில் தங்கம் விலை ரூ. 52,300 ஆக உயர்ந்தது. இந்தியா தனது தங்கத் தேவையின் பெரும்பகுதியை இறக்குமதி செய்து வரும் நிலையில், இறக்குமதி வரியைத் தவிர, ரூபாய்-டாலர் விகிதம் மற்றும் ஜிஎஸ்டி விகிதம் (தற்போது 3%) போன்றவை தங்கத்தின் உள்நாட்டு விலையை தீர்மானிக்கிறது.
அமெரிக்க பெடரல் ரிசர்வ் பணவீக்கத்தைக் கட்டுப்படுத்தும் கொள்கையை தீவிரமாகக் கடுமையாக்குமா என்பதை அறிய, தங்க முதலீட்டாளர்கள் இந்த வார இறுதியில் அமெரிக்க பணவீக்க எண்களைக் கவனிப்பார்கள். அதிக வட்டி விகிதங்கள் தங்கம் வைத்திருப்பதற்கான வாய்ப்புச் செலவை அதிகரிக்கின்றன, இது வட்டியை அளிக்காது. மற்ற விலைமதிப்பற்ற உலோகங்களில், ஸ்பாட் வெள்ளி அவுன்ஸ் ஒன்றுக்கு 0.3% உயர்ந்து 19.14 டாலராக ஆகவும், பிளாட்டினம் 0.7% குறைந்து 863.82 டாலராகவும் இருக்கிறது.
இதையும் படியுங்கள்: Today Gold Rate: தங்கம் விலை கூடுமா? அமெரிக்க நிலவரம் அறிய காத்திருக்கும் முதலீட்டாளர்கள்
இந்தியாவில் தங்கம் வெள்ளி விலை:
இந்தியாவின் முக்கிய நகரங்களான டெல்லி, கொல்கத்தா மற்றும் மும்பையில் இன்று தங்கம் விலை சீராக உள்ளது. டெல்லியில் 22 காரட் 10 கிராம் தங்கத்தின் விலை ரூ. 46,800 ஆகவும், 10 கிராம் 24 காரட் தங்கத்தின் விலை ரூ. 51,054 ஆகவும் உள்ளது. வெள்ளி விலை
வெள்ளி விலையைப் பொறுத்தவரை, டெல்லி, கொல்கத்தா மற்றும் மும்பை ஆகிய மூன்று நகரங்களிலும் ஒரே விலையாக இருக்கிறது. அதன்படி ஒரு கிலோ வெள்ளி ரூ. 56,500 ஆக விற்பனை செய்யப்படுகிறது.
சென்னையில் தங்கம் விலை:
தமிழகத்தில் இம்மாத தொடக்கம் முதல், தங்கம் விலையில் ஏற்றம், இறக்கமாக இருந்து வருகிறது. அதன்படி, இன்று சென்னையில் 22காரட் ஆபரணத் தங்கம் கிராம் ஒன்றுக்கு ரூ.10 குறைந்து, ரூ. 4,670 ஆகவும், சவரனுக்கு ரூ. 80 குறைந்து ரூ.37,360 க்கும் விற்பனை செய்யப்பட்டு வருகிறது. 10 கிராம் 22 காரட் தங்கத்தின் விலை ரூ.46,700 ஆகவும், 24 காரட் தங்கத்தின் விலை ரூ. 50,950 ஆகவும் உள்ளது.
இதையும் படியுங்கள்: Today Gold Rate: தங்கம் விலை கூடுமா? அமெரிக்க நிலவரம் அறிய காத்திருக்கும் முதலீட்டாளர்கள்
வெள்ளி விலை:
சென்னையில் இன்று வெள்ளி விலை குறைந்துள்ளது. அதன்படி வெள்ளி கிராம் ஒன்றுக்கு 50 காசுகள் குறைந்து ரூ.62.50க்கு விற்பனையாகிறது. ஒரு கிலோவுக்கு ரூ.500 குறைந்து ரூ.62,500க்கு விற்பனை செய்யப்பட்டு வருகிறது.
இதையும் படியுங்கள்: Today Gold Rate: தங்கம் விலை கூடுமா? அமெரிக்க நிலவரம் அறிய காத்திருக்கும் முதலீட்டாளர்கள்
தமிழ்இந்தியன்எக்ஸ்பிரஸின்அனைத்துசெய்திகளையும்உடனுக்குடன்டெலிகிராம்ஆப்பில்பெறhttps://t.me/ietamil
