சவரனுக்கு இவ்வளவு குறைவா? நகைப் பிரியர்களுக்கு 'செம்ம சான்ஸ்'

Gold, Silver Rates Today News Updates in tamil: இந்தியாவில் தங்கம் விலை கடந்த மார்ச் மாத தொடக்கத்தில் இருந்து ஒருநாள் உயருவதும், மறுநாள் கொஞ்சம் குறைவதுமாக ஆட்டம் காட்டி வருகிறது. இந்நிலையில், தங்கம் விலை இன்று அதிரடியாக குறைந்துள்ளது.

திங்கள் கிழமை தங்கத்தின் விலையில் எந்த மாற்றமும் இல்லை. நேற்று முன்தினம் செவ்வாய்கிழமை தங்கம் விலை சவரனுக்கு ரூ.120 குறைந்தது. இதேபோல், நேற்று புதன்கிழமை தங்கம் விலை சவரனுக்கு ரூ.80 குறைந்து ஒரு சவரன் ரூ.44,240-க்கும், கிராமுக்கு ரூ.10 குறைந்து ரூ.5,530-க்கும் விற்பனை செய்யப்பட்டது.

இந்த நிலையில், தங்கம் விலை இன்று மீண்டும் அதிரடியாக குறைந்துள்ளது. அதன்படி, சென்னையில் 22 காரட் ஆபரணத் தங்கத்தின் விலை ரூ.25 குறைந்து ஒரு கிராம் 5,505 ரூபாய் ஆகவும், சவரனுக்கு ரூ.200 குறைந்து ஒரு சவரன் ரூ. 44,040 ஆகவும் விற்பனையாகிறது.

வெள்ளி விலை

இதேபோல் வெள்ளி விலை கிராமுக்கு 50 காசுகள் குறைந்து ஒரு கிராம் வெள்ளி ரூ.76.20 ஆகவும், ஒரு கிலோ வெள்ளி ரூ.76,200ஆகவும் விற்பனை செய்யப்படுகிறது.

தமிழ்இந்தியன்எக்ஸ்பிரஸின்அனைத்துசெய்திகளையும்உடனுக்குடன்டெலிகிராம்ஆப்பில்பெறhttps://t.me/ietamil