மீண்டும் அதிரடியாக உயரும் தங்கம் விலை… இன்றைய நிலவரம் என்ன தெரியுமா?

Gold, Silver Rates Today News Updates in tamil: இந்தியாவில் தங்கம் விலை கடந்த மார்ச் மாத தொடக்கத்தில் இருந்து ஒருநாள் உயருவதும், மறுநாள் கொஞ்சம் குறைவதுமாக ஆட்டம் காட்டி வருகிறது. தங்கத்தின் விலை நேற்றும் அதற்கு முன்தினமும் குறைந்து காணப்பட்டது. இந்நிலையில், தங்கத்தின் விலை இன்று அதிரடியாக உயர்ந்துள்ளது.

நேற்று சென்னையில் 22 கேரட் ஆபரணத் தங்கத்தின் விலை சவரனுக்கு ரூ.80 குறைந்து ரூ. 44,280-க்கும், கிராமுக்கு ரூ.10 குறைந்து ரூ.5,535-க்கும் விற்பனை செய்யப்பட்டது. இந்த நிலையில், இன்று 22 கேரட் ஆபரணத் தங்கத்தின் விலை சவரனுக்கு ரூ.136 உயர்ந்து ரூ. 44,416-க்கு விற்பனை செய்யப்படுகிறது. 22 கேரட் ஆபரணத்தங்கத்தின் விலை கிராமுக்கு ரூ.17 உயர்ந்து ரூ.5,552-க்கு விற்பனை செய்யப்படுகிறது.

24 காரட் ஆபரணத் தங்கத்தின் விலை ஒரு கிராம் 6,057 ரூபாய் ஆகவும், ஒரு சவரன் 48,456 ரூபாய் ஆகவும் விற்பனையாகிறது.

வெள்ளி விலை

தங்கத்தை போல் வெள்ளியின் விலையும் உயர்ந்துள்ளது. ஒரு கிராம் வெள்ளியின் விலை 40 காசுகள் உயர்ந்து ரூ.80,40-க்கு விற்பனை செய்யப்படுகிறது. ஒரு கிலோ வெள்ளி 80,400-க்கு விற்பனை செய்யப்படுகிறது.

தமிழ்  இந்தியன்  எக்ஸ்பிரஸின்  அனைத்து செய்திகளையும் உடனுக்குடன்  டெலிகிராம்  ஆப்பில்  பெற https://t.me/ietamil