மெதுமெதுவாக சரியும் தங்கம் விலை... பூரிப்பில் நகைப் பிரியர்கள்!

 Gold-rate | gold | business:இந்தியாவில் தங்கம் விலை கடந்த மார்ச் மாத தொடக்கத்தில் இருந்து ஒருநாள் உயருவதும், மறுநாள் கொஞ்சம் குறைவதுமாக ஆட்டம் காட்டி வருகிறது. இதனிடையே, இஸ்ரேல் - பாலஸ்தீனம் இடையே நிலவி வரும் போர் காரணமாக கடந்த மாத தொடக்கத்தில் குறைந்து வந்த தங்கத்தின் விலை கடந்த சில வாரங்களாக கிடுகிடுவென உயர்ந்து வருகிறது.

இந்நிலையில், தங்கம் விலை புதன்கிழமை சவரனுக்கு ரூ.720 உயர்ந்து, ஒரு சவரன் ரூ.46 ஆயிரத்து 960-க்கு விற்பனை ஆனது. இதன் மூலம் வரலாறு காணாத புதிய உச்சத்தை தங்கம் விலை தொட்டது. இதனால், நகைப் பிரியர்களும், இல்லத்தரசிகளும் அதிர்ச்சியில் உறைந்தனர். 

தங்கம் விலை நேற்று  சவரனுக்கு ரூ. 40 குறைந்து ஒரு சவரன் ரூ.46,920-க்கும்,  கிராமுக்கு ரூ.5 குறைந்து ஒரு கிராம் தங்கம் ரூ.5,868-க்கும் விற்பனை செய்யப்பட்டது. இந்நிலையில், இன்றும் தங்கம் விலை சரிந்துள்ளது. இதனையடுத்து, நகைப் பிரியர்கள் மகிழ்ச்சியில் உள்ளார்கள். 

இன்று சென்னையில்  22 கேரட் ஆபரணத் தங்கத்தின் விலை சவரனுக்கு ரூ. 120 குறைந்து ஒரு சவரன் ரூ.46,800-க்கு விற்பனை செய்யப்பட்டு வருகிறது. கிராமுக்கு ரூ.15 குறைந்து ஒரு கிராம் தங்கம் ரூ.5,850-க்கு விற்பனை செய்யப்படுகிறது.

24 கேரட் ஆபரணத்தங்கத்தின் விலை ஒரு கிராம் ரூ.6,382-க்கும், ஒரு சவரன் ரூ.51,056-க்கும் விற்பனை செய்யப்படுகிறது.

வெள்ளி விலை 

வெள்ளியின் விலை கிராமுக்கு 30 காசுகள் உயர்ந்து ரூ.82.50-க்கு  விற்பனையாகிறது. ஒரு கிலோ ரூ.82,500-க்கு விற்பனை செய்யப்படுகிறது.

“தமிழ்இந்தியன்எக்ஸ்பிரஸின்அனைத்துசெய்திகளையும்உடனுக்குடன்டெலிகிராம்ஆப்பில்பெறhttps://t.me/ietamil“