Gold Rate Today: கிடுகிடுவென மீண்டும் உயர்ந்த தங்கம்: சவரனுக்கு இவ்வளவா? இன்றைய ஷாக் நிலவரம்

Gold Silver Price Today, 02 May 2024 | Gold Rate: இந்தியாவில் தங்கம் விலை ஒருநாள் உயருவதும், மறுநாள் கொஞ்சம் குறைவதுமாக ஆட்டம் காட்டி வருகிறது. இதனிடையே, இஸ்ரேல் - பாலஸ்தீனம் இடையே நிலவிய போர் காரணமாக உச்சத்தை எட்டியது. அவ்வப்போது சற்று சரிந்து வந்த தங்கம் விலை கடந்த மார்ச் மாதம் தொடக்கத்தில் இருந்து தொடர்ந்து அதிகரித்த வண்ணம் இருக்கிறது. 

இந்நிலையில், கடந்த சனிக்கிழமை தங்கம் விலை சவரனுக்கு ரூ. 120 அதிகரித்தது. ஆனால், திங்கள்கிழமை தங்கத்தின் விலை சவரனுக்கு ரூ. 240 குறைந்தது. இருப்பினும், நேற்று செவ்வாய்க்கிழமை மீண்டும் தங்கம் விலை சவரனுக்கு ரூ. 80 அதிகரித்தது. ஆனால், நேற்று புதன்கிழமை தங்கம் விலை சவரனுக்கு ரூ. 920 அதிரடியாக குறைந்து, ஒரு சவரன் ரூ. 53,080-க்கும், கிராமுக்கு ரூ. 115 குறைந்து ஒரு கிராம் ரூ. 6,635-க்கும் விற்பனை செய்யப்பட்டது. 

இன்றைய தங்கம் விலை 

இந்த நிலையில், தங்கத்தின் விலை இன்று மீண்டும் கிடுகிடுவென உயர்ந்து அதிரடியாக அதிகரித்துள்ளது. கடந்த சில வாரங்களாக தங்கம் விலை வரலாறு காணாத உச்சத்தை எட்டி வரும் சூழலில், இன்று மீண்டும் அதிரடியாக அதிகரித்து இருப்பது நகைப் பிரியர்கள் மற்றும் இல்லத்தரசிகளை அதிர்ச்சியில் ஆழ்த்தியுள்ளது. 

சென்னையில் இன்று 22 கேரட் ஆபரணத் தங்கத்தின் விலை சவரனுக்கு ரூ. 640 அதிகரித்து ஒரு சவரன் ரூ. 53,720-க்கு விற்பனை செய்யப்படுகிறது. கிராமுக்கு ரூ. 80 அதிகரித்து ஒரு கிராம் தங்கம் ரூ. 6,715-க்கு விற்பனை செய்யப்பட்டு வருகிறது. 

24 கேரட் ஆபரணத் தங்கத்தின் விலை ஒரு கிராம் ரூ. 7,325-க்கும், ஒரு சவரன் ரூ. 58,600-க்கும் விற்பனை செய்யப்பட்டு வருகிறது. 

வெள்ளி விலை

வெள்ளியின் விலையும் சற்று அதிகரித்துள்ளது. கிராமுக்கு 50 காசுகள் அதிகரித்து ஒரு கிராம் வெள்ளி ரூ. 87 -க்கு விற்பனை செய்யப்படுகிறது. ஒரு கிலோ வெள்ளி ரூ.87,000-க்கு விற்பனை செய்யப்படுகிறது.

“தமிழ்இந்தியன்எக்ஸ்பிரஸின்அனைத்துசெய்திகளையும்உடனுக்குடன்டெலிகிராம்ஆப்பில்பெற  https://t.me/ietamil“