மீண்டும் உச்சத்துக்கு எகிறிய தங்கம் விலை: இன்றைய நிலவரம் என்ன?

Gold-rate | gold | business:இந்தியாவில் தங்கம் விலை கடந்த மார்ச் மாத தொடக்கத்தில் இருந்து ஒருநாள் உயருவதும், மறுநாள் கொஞ்சம் குறைவதுமாக ஆட்டம் காட்டி வருகிறது. இதனிடையே, இஸ்ரேல் - பாலஸ்தீனம் இடையே நிலவி வரும் போர் காரணமாக கடந்த மாத தொடக்கத்தில் குறைந்து வந்த தங்கத்தின் விலை கடந்த சில வாரங்களாக கிடுகிடுவென உயர்ந்து வருகிறது. 

இன்றைய தங்கம் விலை

இந்நிலையில், கடந்த சனிக்கிழமை தங்கம் விலை ஒரே நாளில் ரூ. 520 அதிகரித்து அதிர்ச்சி கொடுத்தது. ஒரு சவரன் ரூ.47,320க்கும், கிராமுக்கு ரூ.65 அதிகரித்து ஒரு கிராம் ரூ.5,915-க்கும் விற்பனை செய்யப்பட்டது. 

இந்த நிலையில், தங்கம் விலை இன்றும் அதிரடியாக சவரனுக்கு ரூ. 480 அதிகரித்துள்ளது. இதனால், நகைப் பிரியர்களும், இல்லத்தரசிகளும் அதிர்ச்சியில் உறைந்துள்ளனர். சென்னையில் இன்று 22 கேரட் ஆபரணத் தங்கத்தின் விலை சவரனுக்கு ரூ. 480 அதிகரித்து ஒரு சவரன் ரூ.47,800க்கு விற்பனை செய்யப்பட்டு வருகிறது. கிராமுக்கு ரூ.60 அதிகரித்து ஒரு கிராம் தங்கம் ரூ.5,975-க்கு விற்பனை செய்யப்படுகிறது.

24 கேரட் ஆபரணத்தங்கத்தின் விலை ஒரு கிராம் ரூ.6,518-க்கும், ஒரு சவரன் ரூ.52,144-க்கும் விற்பனை செய்யப்படுகிறது.

வெள்ளி விலை 

வெள்ளியின் விலையைப் பொறுத்தவரை, ஒரு கிராம் வெள்ளி ரூ.83.50-க்கு  விற்பனையாகிறது. ஒரு கிலோ ரூ.83,500-க்கு விற்பனை செய்யப்படுகிறது.

“தமிழ்இந்தியன்எக்ஸ்பிரஸின்அனைத்துசெய்திகளையும்உடனுக்குடன்டெலிகிராம்ஆப்பில்பெறhttps://t.me/ietamil“