Gold Silver Price Today | வரலாறு காணாத உச்சம்... சாமானியர்கள் ஷாக்: இன்றைய தங்கம் ரேட் என்ன?

Gold Silver Price Today, 06 March 2024 | Gold Rate: இந்தியாவில் தங்கம் விலை ஒருநாள் உயருவதும், மறுநாள் கொஞ்சம் குறைவதுமாக ஆட்டம் காட்டி வருகிறது. இதனிடையே, இஸ்ரேல் - பாலஸ்தீனம் இடையே நிலவிய போர் காரணமாக டிசம்பர் மாத தொடக்கத்தில் குறைந்து வந்த தங்கத்தின் விலை கடந்த சில வாரங்களாக கிடுகிடுவென உயர்ந்து வருகிறது.

இந்நிலையில், கடந்த சனிக்கிழமை தங்கத்தின் விலை அதிரடியாக சவரனுக்கு ரூ.800 அதிகரித்தது. ஆனால், வாரத்தின் தொடக்க நாளான திங்கள்கிழமை தங்கம் விலை சவரனுக்கு ரூ.80 குறைந்தது. ஆனால், நேற்று புதன்கிழமை தங்கம் விலை மீண்டும் அதிரடியாக சவரனுக்கு ரூ.680 அதிகரித்து ஒரு சவரன் ரூ.48,120-க்கும்,  கிராமுக்கு ரூ.85 அதிகரித்து ஒரு கிராம்ரூ.6,015-க்கும் விற்பனை செய்யப்பட்டது. 

இன்றைய தங்கம் விலை 

இந்த நிலையில், இன்று தங்கம் விலை வரலாற்றில் முன்னெப்போதும் இல்லாத அளவாக புதிய உச்சத்தை எட்டியுள்ளது. இதனால், நகைப் பிரியர்களும், இல்லத்தரசிகளும் சாமானிய மக்களும் அதிர்ச்சியில் ஆழ்ந்துள்ளனர். சென்னையில் இன்று 22 கேரட் ஆபரணத் தங்கத்தின் விலை சவரனுக்கு ரூ.200 அதிகரித்து ஒரு சவரன் ரூ.48,320-க்கு விற்பனை செய்யப்படுகிறது. கிராமுக்கு ரூ. 25 அதிகரித்து ஒரு கிராம் தங்கம் ரூ.6,040-க்கு விற்பனை செய்யப்பட்டு வருகிறது. 

24 கேரட் ஆபரணத் தங்கத்தின் விலை ஒரு கிராம் 6,589-க்கும், ஒரு சவரன் 52,712-க்கும் விற்பனை செய்யப்பட்டு வருகிறது. 

வெள்ளி விலை 

வெள்ளியின் விலை சற்று குறைந்துள்ளது. வெள்ளி விலை கிராமுக்கு 20 காசுகள் குறைந்து ஒரு கிராம் வெள்ளி ரூ.78.-க்கு விற்பனை செய்யப்படுகிறது. ஒரு கிலோ வெள்ளி ரூ.78,000-க்கு விற்பனை செய்யப்படுகிறது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“