Today Gold Rate 7 July: தங்கம் விலை சற்று குறைவு; இல்லத்தரசிகளுக்கு குட் நியூஸ்!

Gold and Silver Price Today in Chennai: இந்த ஆண்டு தொடக்கத்தில் இருந்தே தங்கத்தின் விலை யாரும் எதிர்பார்க்காத வகையில் உயர்ந்தவாறு இருக்கிறது. பல்வேறு நாடுகளுக்கு இடையே திடீரென ஏற்படும் போர்ப்பதற்றம் காரணமாகவும் தங்கம் விலை ஜெட் வேகத்தில் உயர்ந்து பின்னர் கணிசமாக குறைகிறது. அந்த வகையில், கடந்த 14-ந் தேதி வரலாறு காணாத வகையில் தங்கம் விலை உயர்ந்தது. அன்றைய தினம் கிராமுக்கு ரூ.9,320-ம், சவரனுக்கு ரூ.74,560 என விற்பனையானது. அதன் பின்னர் 21-ந் தேதி முதல் தங்கம் விலை சரிவையே சந்தித்து வந்தது. 

இந்தச் சூழலில், செவ்வாய்க்கிழமை சவரனுக்கு 840 ரூபாயும், புதன்கிழமை சவரனுக்கு 360 ரூபாயும், வியாழக்கிழமை சவரனுக்கு 320 ரூபாயும் உயர்ந்து, சவரன் ரூ.72,840-க்கு விற்பனையானது. கடந்த 3 நாட்களில் மட்டும் தங்கத்தின் விலை சவரனுக்கு ரூ.1,520 உயர்ந்தது. இந்நிலையில், இன்று சென்னையில் ஆபரணத் தங்கத்தின் விலை சவரனுக்கு ரூ.400 குறைந்து ரூ.72,080க்கு விற்பனை செய்யப்படுகிறது. கிராமுக்கு ரூ.50 குறைந்து ரூ.9010-க்கு விற்பனை செய்யப்படுகிறது. 

இந்நிலையில், நகைப்பிரியர்களுக்கும் இல்லத்தரசிகளுக்கு இது மிகுந்த சந்தோஷத்தை ஏற்படுத்தியுள்ளது. 

வெள்ளி விலையில் இன்று எந்த மாற்றமும் இல்லை. இது கிராமுக்கு ரூ. 120 க்கும், கிலோ ரூ. 1,20,000 க்கும் விற்பனை செய்யப்படுகிறது.