Gold Silver Rate Today: 5 நாளில் ரூ1760 அதிகரிப்பு... வரலாறு காணாத பாய்ச்சலில் பறக்கும் தங்கம்!

Gold Silver Price Today, 09 March 2024 | Gold Rate: இந்தியாவில் தங்கம் விலை ஒருநாள் உயருவதும், மறுநாள் கொஞ்சம் குறைவதுமாக ஆட்டம் காட்டி வருகிறது. இதனிடையே, இஸ்ரேல் - பாலஸ்தீனம் இடையே நிலவிய போர் காரணமாக டிசம்பர் மாத தொடக்கத்தில் குறைந்து வந்த தங்கத்தின் விலை கடந்த சில வாரங்களாக கிடுகிடுவென உயர்ந்து வருகிறது.

இந்நிலையில், வாரத்தின் தொடக்க நாளான திங்கள்கிழமை தங்கம் விலை சவரனுக்கு ரூ.80 குறைந்தது. இருப்பினும், மறுநாள் செவ்வாய்க்கிழமை தங்கம் விலை மீண்டும் அதிரடியாக சவரனுக்கு ரூ.680 அதிகரித்தது. இதேபோல், புதன்கிழமை தங்கம் விலை சவரனுக்கு ரூ.200 அதிகரித்தது. 

மறுநாள் வியாழக்கிழமை தங்கத்தின் விலை இரண்டு மடங்காக  சவரனுக்கு ரூ.400 அதிகரித்தது. நேற்று 4வது நாளாக வெள்ளிக்கிழமை தங்கம் விலை சவரனுக்கு ரூ.120 அதிகரித்து ஒரு சவரன் ரூ.48,840-க்கும், கிராமுக்கு ரூ. 15 அதிகரித்து ஒரு கிராம் ரூ.6,105-க்கும் விற்பனை செய்யப்பட்டது. 

இன்றைய தங்கம் விலை 

இந்த நிலையில், இன்றும் தங்கம் விலை அதிரடியாக அதிகரித்து, வரலாற்றில் முன்னெப்போதும் இல்லாத அளவாக புதிய உச்சத்தை எட்டியுள்ளது. இதனால், நகைப் பிரியர்களும், இல்லத்தரசிகளும் சாமானிய மக்களும் அதிர்ச்சியில் உறைந்துள்ளனர். சென்னையில் இன்று 22 கேரட் ஆபரணத் தங்கத்தின் விலை சவரனுக்கு ரூ.360 அதிகரித்து ஒரு சவரன் ரூ.49,200-க்கு விற்பனை செய்யப்படுகிறது. கிராமுக்கு ரூ. 45 அதிகரித்து ஒரு கிராம் தங்கம் ரூ.6,150-க்கு விற்பனை செய்யப்பட்டு வருகிறது. 

24 கேரட் ஆபரணத் தங்கத்தின் விலை ஒரு கிராம் 6,710-க்கும், ஒரு சவரன் 53,680-க்கும் விற்பனை செய்யப்பட்டு வருகிறது. 

வெள்ளி விலை 

வெள்ளியின் விலையும் அதிகரித்துள்ளது. வெள்ளி விலை கிராமுக்கு 20 காசுகள் அதிகரித்து ஒரு கிராம் வெள்ளி ரூ.79.20-க்கு விற்பனை செய்யப்படுகிறது. ஒரு கிலோ வெள்ளி ரூ.79,200-க்கு விற்பனை செய்யப்படுகிறது.

“தமிழ்இந்தியன்எக்ஸ்பிரஸின்அனைத்துசெய்திகளையும்உடனுக்குடன்டெலிகிராம்ஆப்பில்பெற  https://t.me/ietamil“