வார தொடக்கத்தில் அதிரடியாக குறைந்த தங்க விலை...இன்றைய நிலவரம் என்ன?

இந்தியாவில் தங்கம் விலை ஒருநாள் உயருவதும், மறுநாள் கொஞ்சம் குறைவதுமாக ஆட்டம் காட்டி வருகிறது.

இதனிடையே, இஸ்ரேல் - பாலஸ்தீனம் இடையே நிலவிய போர் காரணமாக உச்சத்தை எட்டியது. அவ்வப்போது சற்று சரிந்து வந்த தங்கம் விலை கடந்த மார்ச் மாதம் தொடக்கத்தில் இருந்து தொடர்ந்து அதிகரித்த வண்ணம் இருக்கிறது.

இந்த நிலையில், தங்கம் விலை இன்று அதிரடியாக சரிந்துள்ளது. கடந்த சில வாரங்களாக தங்கம் விலை வரலாறு காணாத உச்சத்தை எட்டி வரும் சூழலில், இன்று மீண்டும் அதிரடியாக குறைந்து இருப்பது நகைப் பிரியர்கள் மற்றும் இல்லத்தரசிகளுக்கு ஆறுதலாக அமைந்துள்ளது.

சென்னையில் இன்று 22 கேரட் ஆபரணத் தங்கத்தின் விலை சவரனுக்கு ரூ.440 குறைந்து ஒரு சவரன் ரூ. 57,760-க்கு விற்பனை செய்யப்படுகிறது. கிராமுக்கு ரூ. 55 குறைந்து ஒரு கிராம் தங்கம் ரூ.7,220-க்கு விற்பனை செய்யப்பட்டு வருகிறது.

24 கேரட் ஆபரணத் தங்கத்தின் விலை ஒரு கிராம் ரூ. 7,876-க்கும், ஒரு சவரன் ரூ. 63,008-க்கும் விற்பனை செய்யப்பட்டு வருகிறது.

சென்னையில் இன்று வெள்ளி விளையும் சற்று குறைந்துள்ளது. கிராமுக்கு ரூ. 1 குறைந்து ஒரு கிராம் ரூ. 102 ஆகவும், ஒரு கிலோ வெள்ளி விலை ரூ, 1,02,000ஆகவும் விற்பனை செய்யப்பட்டு வருகிறது.