GOLD RATE: வரலாற்றில் புதிய உச்சம்; ரூ.70,000-த்தை கடந்த தங்கம் விலை... அதிர்ச்சியில் நகைப் பிரியர்கள்!

இந்தியாவில் தங்கம் விலை ஒருநாள் உயருவதும், மறுநாள் கொஞ்சம் குறைவதுமாக ஆட்டம் காட்டி வருகிறது. அவ்வப்போது சற்று சரிந்து வந்த தங்கம் விலை தற்போது தொடர்ந்து அதிகரித்த வண்ணம் இருக்கிறது. கடந்த 3 ஆம் தேதி வரை தங்கம் விலை தாறுமாறாக உயர்ந்தது. ஒரு கிராம் ரூ.8, 560-க்கும், ஒரு சவரன் ரூ.68, 480-க்கும் விற்பனை செய்யப்பட்டது.

ஆனால், கடந்த 4 முதல் 8 ஆம் தேதி வரையிலான 5 நாட்களில் மட்டும் கிராமுக்கு ரூ.335 மற்றும் சவரனுக்கு ரூ.2,680 என அதிரடியாக குறைந்தது காணப்பட்டது. இந்நிலையில், தங்கம் விலை நேற்று முன்தினம் வியாழக்கிழமை கிராமுக்கு ரூ.150, சவரனுக்கு ரூ.1,200 அதிகரித்து, ஒரு கிராம் ரூ.8, 560-க்கும், ஒரு சவரன் ரூ.68, 480-க்கும் விற்பனை செய்யப்பட்டது.  தொடர்ந்து நேற்று வெள்ளிக்கிழமை கிராமுக்கு ரூ.185, சவரனுக்கு ரூ.1,480 அதிகரித்து, ஒரு கிராம் ரூ.8, 745-க்கும், ஒரு சவரன் ரூ.69,  960-க்கும் விற்பனை செய்யப்பட்டது. 

இந்த நிலையில், இன்று சனிக்கிழமை தங்கம் விலை வரலாற்றில் முதல் முறையாக புதிய உச்சத்தை தொட்டுள்ளது. கிராமுக்கு ரூ . 25 உயர்ந்து ஒரு கிராம் தங்கம் ரூ.8,770-க்கும், சவரனுக்கு ரூ. 200 ரூபாய் ஒரு சவரன் ரூ.70,160-க்கும் விற்பனையாகிறது.

வெள்ளி விலை

வெள்ளி விலையும் இன்று அதிரடியாக உயர்ந்துள்ளது. கிராமுக்கு 2 ரூபாய் உயர்ந்து ஒரு கிராம் வெள்ளி ரூ.110-க்கும், ஒரு கிலோ வெள்ளி 1,10,000 விற்பனை செய்யப்படுகிறது

தங்கம் விலை தொடர்ந்து அதிகரித்து வருவதால் நகைப்பிரியர்கள் தங்க நகைகள் வாங்குவதில் சிரமங்களை எதிர்கொண்டு வருகின்றனர். இந்த விலை உயர்வு நடுத்தர வர்க்கத்தினரை கடுமையாக பாதித்துள்ளது.