வார இறுதியில் வேலையை காட்டிய தங்கம் விலை... இன்று ரேட் என்ன?

இந்தியாவில் தங்கம் விலை ஒருநாள் உயருவதும், மறுநாள் கொஞ்சம் குறைவதுமாக ஆட்டம் காட்டி வருகிறது. இதனிடையே, இஸ்ரேல் - பாலஸ்தீனம் இடையே நிலவிய போர் காரணமாக உச்சத்தை எட்டியது.

இந்த சூழலில், கடந்த ஜூலை 23ல் 2024-2025 ஆம் ஆண்டுக்கான மத்திய பட்ஜெட்டை நாடாளுமன்றத்தில் மத்திய நிதியமைச்சர் நிர்மலா சீதாராமன் தாக்கல் செய்தார்.

அப்போது, தங்கம், வெள்ளி மீதான இறக்குமதி வரி (சுங்கவரி) 15%-லிருந்து 6 % ஆக குறைப்பு என்றும், பிளாட்டினம் மீதான சுங்கவரி 6.4% குறைப்பு என்றும் அறிவித்தார். இதன் எதிரொலியாக தங்கம் மற்றும் வெள்ளி விலை சற்று குறைந்து காணப்படுகிறது.

இன்றைய தங்கம் விலை

தங்கம் விலை இன்றும் சற்று அதிகரித்துள்ளது. கடந்த சில வாரங்களாக தங்கம் விலை குறைந்து வரும் நிலையில், இன்று சற்று அதிகரித்து இருப்பது நகைப் பிரியர்கள் மற்றும் இல்லத்தரசிகளுக்கு அதிர்ச்சியாக அமைந்துள்ளது.

சென்னையில் இன்று 22 கேரட் ஆபரணத் தங்கத்தின் விலை சவரனுக்கு ரூ. ௮ அதிகரித்து ஒரு சவரன் ரூ. 56 ,768 -க்கு விற்பனை செய்யப்படுகிறது. கிராமுக்கு ரூ. 1 அதிகரித்து ஒரு கிராம் தங்கம் ரூ. 7096 -க்கு விற்பனை செய்யப்பட்டு வருகிறது.

24 கேரட் தங்கம் ஒரு கிராம் ரூ. 7,7431-க்கும், ஒரு சவரன் ரூ.61,928-க்கும் விற்பனை செய்யப்படுகிறது.

வெள்ளி விலை

சென்னையில் இன்று வெள்ளி விலை கிராமுக்கு ரூ, 0.10 அதிகரித்து ஒரு கிராம் வெள்ளி ரூ. 102.10 -க்கும், ஒரு கிலோ ரூ. 1,02,100-க்கும் விற்பனை செய்யப்படுகிறது.