ஜெட் வேகத்தில்.. ஒரே நாளில் 2 முறை உயர்ந்த தங்கம் விலை; போட்டிபோட்டு வெள்ளியும் விலை உயர்வு!

தங்கம் விலை தொடர்ந்து போக்கு காட்டி வருகிறது. கிடுகிடுவென அதிகரிப்பதும், பின்னர் சற்று சரிவதும் என்ற நிலையிலேயே பயணிக்கிறது. அதிலும் கடந்த சில நாட்களாக ஒரே நாளில் 2 முறை விலை மாற்றத்தையும் சந்திக்கிறது. அந்தவகையில் நேற்று முன்தினம் காலையில் கிராமுக்கு ரூ.85-ம், சவரனுக்கு ரூ.680-ம் உயர்ந்து இருந்தது. இதேபோல் பிற்பகலில் கிராமுக்கு ரூ.75-ம், சவரனுக்கு ரூ.600-ம் அதிகரித்து இருந்தது. ஒரே நாளில் மட்டும் கிராமுக்கு ரூ.160-ம், சவரனுக்கு ரூ.1,280-ம் உயர்ந்து, ஒரு கிராம் ரூ.11 ஆயிரத்து 500-க்கும், ஒரு சவரன் ரூ.92 ஆயிரத்துக்கும் விற்பனை ஆனது.

இந்த நிலையில், இன்று தங்கம் விலை வரலாறு காணாத புதிய உச்சத்தை அடைந்துள்ளது. அதன்படி, கிராமுக்கு ரூ.25 அதிகரித்து ஒரு கிராம் ரூ.15,525-க்கும், சவரனுக்கு ரூ.200 அதிகரித்து ஒரு பவுன் 92,200-க்கும் விற்பனை செய்யப்படுகிறது. கடந்த சில வாரங்களாக தினமும் இருமுறை தங்கம் விலை உயர்ந்து வரும் நிலையில் இன்றும் தங்கம் விலை 2 முறை உயர்ந்தது.

இன்று காலை தங்கம் விலை சவரனுக்கு ரூ.200 உயர்ந்த நிலையில், பிற்பகலில் ரூ.440 உயர்ந்துள்ளது இதன்படி, ஒரு சவரன் ரூ.640 உயர்ந்து ரூ.92,460 க்கு விற்பனையாகிறது. இதன் மூலம் தங்கம் விலை வரலாறு காணாத உச்சத்தை தொட்டுள்ளது. தங்கம் விலையை காட்டிலும், வெள்ளி விலைதான் பந்தயத்தில் வேகமாக முன்னேறுகிறது.

வெள்ளியும் பந்தயத்தில் முந்துகிறது!

இன்று கிராமுக்கு ரூ.5-ம், கிலோவுக்கு ரூ.5,000 உயர்ந்து, ஒரு கிராம் ரூ.195-க்கும், ஒரு கிலோ ரூ.1 லட்சத்து 95 ஆயிரத்துக்கும் விற்பனை செய்யப்பட்டு வந்தது. பிற்பகலில் மேலும் ரூ.2,000 உயர்ந்தது. இதன்படி ஒரு கிலோ வெள்ளி ரூ.1 லட்சத்து 97 ஆயிரமாக உயர்ந்துள்ளது. இதன்மூலம் இன்று ஒரே நாளில் வெள்ளி விலை கிலோவிற்கு ரூ.7,000 உயர்ந்துள்ளது.