இமாலய ஜம்ப் அடித்த தங்கம் விலை... இன்றைய விலை நிலவரம் என்ன?

Gold-rate: இந்தியாவில் தங்கம் விலை ஒருநாள் உயருவதும், மறுநாள் கொஞ்சம் குறைவதுமாக ஆட்டம் காட்டி வருகிறது. இதனிடையே, இஸ்ரேல் - பாலஸ்தீனம் இடையே நிலவிய போர் காரணமாக டிசம்பர் தொடக்கத்தில் குறைந்து வந்த தங்கத்தின் விலை கடந்த சில வாரங்களாக கிடுகிடுவென உயர்ந்து வருகிறது.

இன்றைய தங்கம் விலை

நேற்று ஞாயிற்றுக்கிழமை தங்கம் விலையில் எந்த மாற்றமும் இல்லை. நேற்று முன்தினம் சனிக்கிழமை தங்கம் விலை சவரனுக்கு ரூ. 200 அதிரடியாக அதிகரித்து ரூ. 46,760-க்கும், கிராமுக்கு ரூ. 25 அதிகரித்து ஒரு கிராம் ரூ. 5,845-க்கும் விற்பனை செய்யப்பட்டது. 

இந்நிலையில், தங்கத்தின் விலை இன்று அதிரடியாக அதிகரித்துள்ளது. இதனால், நகைப் பிரியர்களும், இல்லத்தரசிகளும் கவலையில் ஆழ்ந்துள்ளனர். 

சென்னையில் இன்று 22 கேரட் ஆபரணத்தங்கத்தின் விலை சவரனுக்கு ரூ.200 அதிகரித்து ரூ.46,960-க்கு விற்பனை செய்யப்படுகிறது. கிராமுக்கு ரூ.25 உயர்ந்து ஒரு கிராம் தங்கம் ரூ.5,870-க்கு விற்பனை செய்யப்பட்டு வருகிறது.

24 கேரட் தங்கத்தின் விலை ஒரு கிராம் ரூ. 6,404-க்கும், ஒரு சவரன் ரூ. 51,232-க்கும் விற்பனை செய்யப்படுகிறது.

வெள்ளி விலை 

வெள்ளி விலை இன்று கிராமுக்கு 30 காசுகள் அதிகரித்துள்ளது. ஒரு கிராம் வெள்ளி ரூ.78.30-க்கு விற்பனை செய்யப்படுகிறது. ஒரு கிலோ வெள்ளி ரூ.78,300-க்கும் விற்பனை செய்யப்படுகிறது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“