Today Gold Rate, 15 July: இன்று சற்று குறைந்த தங்கம் விலை; எவ்வளவு தெரியுமா?

Gold and Silver Price Today in Chennai: இந்த ஆண்டு தொடக்கத்தில் இருந்தே தங்கத்தின் விலை யாரும் எதிர்பார்க்காத வகையில் உயர்ந்தவாறு இருக்கிறது. பல்வேறு நாடுகளுக்கு இடையே திடீரென ஏற்படும் போர் பதற்றம் காரணமாகவும் தங்கம் விலை ஜெட் வேகத்தில் உயர்ந்து பின்னர் கணிசமாக குறைகிறது. அந்த வகையில், கடந்த மாதம் 14-ந் தேதி வரலாறு காணாத வகையில் தங்கம் விலை உயர்ந்தது. அன்றைய தினம் கிராமுக்கு ரூ.9,320-ம், சவரனுக்கு ரூ.74,560 என விற்பனையானது. அதன் பின்னர் 21-ந் தேதி முதல் தங்கம் விலை சரிவையே சந்தித்து வந்தது. 

கடந்த செவ்வாய்க்கிழமை சவரனுக்கு 840 ரூபாயும், புதன்கிழமை சவரனுக்கு 360 ரூபாயும், வியாழக்கிழமை சவரனுக்கு 320 ரூபாயும் உயர்ந்து, சவரன் ரூ.72,840-க்கு விற்பனையானது. அடுத்த சில நாட்களாக தங்கம் விலை சற்று குறைந்து காணப்பட்ட நிலையில், சனிக் கிழமை (ஜூலை 12) தங்கம் விலை சவரனுக்கு ரூ.520 அதிகரித்து விற்பனையானது. நேற்று (ஜூலை 14) தங்கம் சவரனுக்கு ரூ.120 உயர்ந்து ரூ.73,240க்கும், கிராம் ரூ.9,115-க்கும் விற்பனையானது. இந்நிலையில், இன்று (ஜூலை15) சென்னையில் 22 கேரட் ஆபரணத்தங்கத்தின் விலை சவரனுக்கு ரூ.80 குறைந்து ரூ.73,160-க்கு விற்பனை செய்யப்படுகிறது. ஒரு கிராம் ரூ.10 குறைந்து ரூ.9,145-க்கு விற்கப்படுகிறது.