Today’s Gold Silver Price | அதிரடியாக சரிந்த தங்கம் விலை... நகைப் பிரியர்கள் மகிழ்ச்சி!

Gold Silver Price Today, 18 March 2024 | Gold Rate: இந்தியாவில் தங்கம் விலை ஒருநாள் உயருவதும், மறுநாள் கொஞ்சம் குறைவதுமாக ஆட்டம் காட்டி வருகிறது. இதனிடையே, இஸ்ரேல் - பாலஸ்தீனம் இடையே நிலவிய போர் காரணமாக அவ்வப்போது குறைந்து வந்த தங்கத்தின் விலை கடந்த சில வாரங்களாக கிடுகிடுவென உயர்ந்து வருகிறது.

இந்நிலையில், கடந்த சனிக்கிழமை தங்கம் விலை சவரனுக்கு ரூ. 80 குறைந்து ஒரு சவரன் ரூ. 48,920-க்கும், கிராமுக்கு ரூ. 10 குறைந்து ஒரு கிராம் தங்கம் ரூ. 6,115-க்கும் விற்பனை செய்யப்பட்டது. 

இன்றைய தங்கம் விலை 

இந்த நிலையில், தங்கம் விலை இன்றும் அதிரடியாக குறைந்துள்ளது. இது நகைப் பிரியர்களுக்கும், இல்லத்தரசிகளுக்கும் ஆறுதலாக அமைந்துள்ளது. சென்னையில் இன்று 22 கேரட் ஆபரணத் தங்கத்தின் விலை சவரனுக்கு ரூ.200 குறைந்து ஒரு சவரன் ரூ. 48,720-க்கு விற்பனை செய்யப்படுகிறது. கிராமுக்கு ரூ. 25 குறைந்து ஒரு கிராம் தங்கம் ரூ. 6,090-க்கு விற்பனை செய்யப்பட்டு வருகிறது. 

24 கேரட் ஆபரணத் தங்கத்தின் விலை ஒரு கிராம் 6,644-க்கும், ஒரு சவரன் 53,152-க்கும் விற்பனை செய்யப்பட்டு வருகிறது. 

வெள்ளி விலை 

வெள்ளியின் விலையும் சற்று குறைந்துள்ளது. வெள்ளி விலை கிராமுக்கு 30 காசுகள் குறைந்து ஒரு கிராம் வெள்ளி ரூ.80 -க்கு விற்பனை செய்யப்படுகிறது. ஒரு கிலோ வெள்ளி ரூ.80,000-க்கு விற்பனை செய்யப்படுகிறது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“