ஒரே நாளில் சவரனுக்கு ரூ.400 உயர்வு: மீண்டும் ஜம்ப் அடிக்கும் தங்கம் விலை

Gold-rate | gold | business:இந்தியாவில் தங்கம் விலை கடந்த மார்ச் மாத தொடக்கத்தில் இருந்து ஒருநாள் உயருவதும், மறுநாள் கொஞ்சம் குறைவதுமாக ஆட்டம் காட்டி வருகிறது. தற்போது இஸ்ரேல் - பாலஸ்தீனம் இடையே போர் நிலவி வருவதால், இந்த மாத தொடக்கத்தில் குறைந்து வந்த தங்கத்தின் விலை கடந்த சில நாட்களாக கிடுகிடுவென உயர்ந்தது. 

இந்நிலையில், நேற்று முன்தினம் திங்கள்கிழமை தங்கம் விலை சவரனுக்கு ரூ. 208 அதிரடியாக குறைந்தது. இதைத் தொடர்ந்து நேற்று செவ்வாய்க்கிழமை சவரனுக்கு ரூ.120 குறைந்து ஒரு சவரன் ரூ.44,120-க்கும் கிராமுக்கு ரூ.15 குறைந்து ஒரு கிராம் ரூ.5,515-க்கும் விற்பனை செய்யப்பட்டது. 

இந்த நிலையில், இன்று தங்கம் விலை சவரனுக்கு ரூ. 400 அதிரடியாக உயர்ந்துள்ளது. அதன்படி, சென்னையில் இன்று  22 கேரட் ஆபரணத்தங்கத்தின் விலை சவரனுக்கு ரூ. 400 அதிகரித்து ரூ.44,520-க்கு விற்பனை செய்யப்படுகிறது. கிராமுக்கு ரூ.50 அதிகரித்து குறைந்து ஒரு கிராம் ரூ.5,565-க்கு விற்பனை செய்யப்படுகிறது.

24 கேரட் ஆபரணத் தங்கத்தின் விலை ஒரு கிராம் ரூ. 6,071-க்கும், ஒரு சவரன் ரூ.48,568-க்கும் விற்பனையாகிறது.

வெள்ளி விலை 

தங்கத்தைப் போல் வெள்ளியின் விலையும் அதிகரித்துள்ளது. வெள்ளி விலை கிராமுக்கு ரூ.1 அதிகரித்து ஒரு கிராம் ரூ.78-க்கு விற்பனை செய்யப்படுகிறது. ஒரு கிலோ வெள்ளி ரூ.78,000-க்கு விற்கப்படுகிறது.

“தமிழ்இந்தியன்எக்ஸ்பிரஸின்அனைத்துசெய்திகளையும்உடனுக்குடன்டெலிகிராம்ஆப்பில்பெறhttps://t.me/ietamil“