மீண்டும் உச்சத்தை தொட்ட தங்கம் விலை: இன்றைய ரேட் என்ன?

Gold-rate | gold Price today | business: இந்தியாவில் தங்கம் விலை கடந்த மார்ச் மாத தொடக்கத்தில் இருந்து ஒருநாள் உயருவதும், மறுநாள் கொஞ்சம் குறைவதுமாக ஆட்டம் காட்டி வருகிறது. இதனிடையே, இஸ்ரேல் - பாலஸ்தீனம் இடையே நிலவி வரும் போர் காரணமாக கடந்த மாத தொடக்கத்தில் குறைந்து வந்த தங்கத்தின் விலை கடந்த சில வாரங்களாக கிடுகிடுவென உயர்ந்து வருகிறது. 

இந்நிலையில், கடந்த திங்கள்கிழமை தங்கம் விலை சவரனுக்கு ரூ.40 சரிந்தது. ஆனால், நேற்று செவ்வாய்க்கிழமை தங்கம் விலை அப்படியே எகிறியது. சவரனுக்கு ரூ.80 அதிகரித்த தங்கம் விலை ஒரு சவரன்  ரூ.46,360-க்கும், கிராமுக்கு ரூ.10 அதிகரித்து ஒரு கிராம் தங்கம் ரூ.5,795-க்கும் விற்பனை செய்யப்பட்டது. 

இந்த நிலையில், இன்றும் தங்கம் விலை அதிரடியாக அதிகரித்து மீண்டும் உச்சத்தை தொட்டுள்ளது. அதன்படி, சென்னையில் இன்று 22 கேரட் ஆபரணத்தங்கத்தின் விலை சவரனுக்கு ரூ.320 உயர்ந்து ஒரு சவரன் ரூ.46,680-க்கு விற்பனை செய்யப்படுகிறது. கிராமுக்கு ரூ. 40 அதிகரித்து ஒரு கிராம் தங்கம் ரூ.5,835-க்கு விற்பனை செய்யப்படுகிறது.

24 கேரட் ஆபரணத்தங்கத்தின் விலை ஒரு கிராம் ரூ. 6,365-க்கும், ஒரு சவரன் ரூ. 50,920-க்கும் விற்பனை செய்யப்படுகிறது.

வெள்ளி விலை 

வெள்ளி ஒரு கிராம் ரூ.80.20-க்கும், ஒரு கிலோ ரூ.80, 200-க்கும் விற்பனை செய்யப்படுகிறது.