Gold Silver Rate Today | ஒரே நாளில் சவரனுக்கு ரூ. 1,160 சரிவு: இன்றைய தங்கம் விலை பாருங்க!

Gold Silver Price Today, 23 April 2024 | Gold Rate: இந்தியாவில் தங்கம் விலை ஒருநாள் உயருவதும், மறுநாள் கொஞ்சம் குறைவதுமாக ஆட்டம் காட்டி வருகிறது. இதனிடையே, இஸ்ரேல் - பாலஸ்தீனம் இடையே நிலவிய போர் காரணமாக உச்சத்தை எட்டியது. அவ்வப்போது சற்று சரிந்து வந்த தங்கம் விலை கடந்த மார்ச் மாதம் தொடக்கத்தில் இருந்து தொடர்ந்து அதிகரித்த வண்ணம் இருக்கிறது. 

இன்றைய தங்கம் விலை 

இந்நிலையில், கடந்த சனிக்கிழமை தங்கம் விலை சவரனுக்கு ரூ. 40 குறைந்தது. இதேபோல், நேற்று திங்கள்கிழமையும் தங்கத்தின் விலை சவரனுக்கு ரூ. 320 குறைந்து ஒரு சவரன் ரூ. 54,760-க்கும், கிராமுக்கு ரூ. 40 குறைந்து ஒரு கிராம் ரூ.6,845-க்கும் விற்பனை செய்யப்பட்டது. 

இந்த நிலையில், தங்கம் விலை இன்றும் அதிரடியாக சரிந்துள்ளது. கடந்த சில வாரங்களாக தங்கம் விலை வரலாறு காணாத உச்சத்தை எட்டி வந்த சூழலில், தற்போது அதிரடியாக சரிந்து இருப்பது நகைப் பிரியர்கள் மற்றும் இல்லத்தரசிகள் மத்தியில் வரவேற்பை பெற்றுளளது. 

சென்னையில் இன்று 22 கேரட் ஆபரணத் தங்கத்தின் விலை சவரனுக்கு ரூ. 1,160 குறைந்து ஒரு சவரன் ரூ. 53,600-க்கு விற்பனை செய்யப்படுகிறது. கிராமுக்கு ரூ. 145 குறைந்து ஒரு கிராம் தங்கம் ரூ.6,700-க்கு விற்பனை செய்யப்பட்டு வருகிறது. 

24 கேரட் ஆபரணத் தங்கத்தின் விலை ஒரு கிராம் 7,310-க்கும், ஒரு சவரன் 58,480-க்கும் விற்பனை செய்யப்பட்டு வருகிறது. 

வெள்ளி விலை

வெள்ளியின் விலையும் அதிரடியாக சரிந்துள்ளது. கிராமுக்கு ரூ. 2. 50 காசுகள் குறைந்து ஒரு கிராம் வெள்ளி ரூ. 86.50 -க்கு விற்பனை செய்யப்படுகிறது. ஒரு கிலோ வெள்ளி ரூ.86,500-க்கு விற்பனை செய்யப்படுகிறது.

“தமிழ்இந்தியன்எக்ஸ்பிரஸின்அனைத்துசெய்திகளையும்உடனுக்குடன்டெலிகிராம்ஆப்பில்பெற  https://t.me/ietamil“