Gold Rate Today, 30 August: புதிய உச்சம் தொட்ட தங்கம் விலை; ரூ.77 ஆயிரத்தை நெருங்கியதால் அதிர்ச்சி!

ஒவ்வொரு நாளும் ஒவ்வொரு விலை என்ற போக்கில் தங்கம் விலை இருக்கிறது. விலை மாற்றம் இல்லாத நாட்களே இல்லை என்ற வகையில் ஏறுவதும், இறங்குவதுமாக தங்கம் இருந்து வருகிறது.

கடந்த திங்கட்கிழமை (ஆக.25) சவரனுக்கு 80 ரூபாய் குறைந்து உயர்ந்து ஒரு சவரன் ரூ.74,440-க்கும், செவ்வாய்கிழமை (ஆக.26) சவரனுக்கு 400 ரூபாய் உயர்ந்து ஒரு சவரன் ரூ.74,840-க்கும், புதன்கிழமை (ஆக.27) சவரனுக்கு 280 ரூபாய் உயர்ந்து ஒரு சவரன் ரூ.75,120க்கும், வியாழக்கிழமை  (ஆக.28) சவரனுக்கு 120 ரூபாய் உயர்ந்து ஒரு சவரன் ரூ. 75,240-க்கும் விற்பனையானது.

தொடர்ந்து, நேற்று (ஆக.29) காலை தங்கம் விலை அதிரடியாக உயர்ந்தது. கிராமுக்கு 65 ரூபாய் உயர்ந்து ஒரு கிராம் ரூ.9,470-க்கும், சவரனுக்கு 520 ரூபாய் உயர்ந்து ஒரு சவரன் ரூ. 75,760-க்கும் விற்பனையானது. தொடர்ந்து நேற்று மாலையிலும் தங்கம் விலை சவரனுக்கு 520 அதிகரித்து. இதன்மூலம், சென்னையில் ஆபரணத் தங்கத்தின் விலை சவரனுக்கு ரூ.76,280க்கு விற்பனை செய்யப்பட்டது.

இந்நிலையில், சென்னையில் 22 கேரட் ஆபரணத் தங்கத்தின் விலை இன்று சவரனுக்கு ரூ.680 உயர்ந்து ரூ.76,960-க்கு விற்பனை செய்யப்படுகிறது. ஒரு கிராம் தங்கத்தின் விலை ரூ.9,620-க்கும் விற்பனையாகிறது. தொடர்ந்து, அதிகரித்து வரும் தங்கம் விலையால், இல்லத்தரசிகள், நகைப்பிரியர்கள் கவலையடைந்துள்ளனர்.