தங்கம் வாங்க இதுதான் சரியான நேரமா? ஒரே நாளில் ஆட்டம் காட்டிய விலை நிலவரம்- உடனே பாருங்க!

சென்னை:

சர்வதேச பொருளாதாரச் சூழல் மற்றும் சந்தை ஏற்ற இறக்கங்களால் கடந்த இரண்டு மாதங்களாக ராக்கெட் வேகத்தில் உயர்ந்து வந்த தங்கம் விலை, தற்போது ஸ்திரமற்ற தன்மையுடன் காணப்படுகிறது. அதன் தொடர்ச்சியாக, இன்று ஒரே நாளில் தங்கம் விலை பெரும் ஏற்ற இறக்கத்தைச் சந்தித்துள்ளது.

நேற்று அதிரடி உயர்வு

நேற்று (அக்டோபர் 29) மாலை நிலவரப்படி, 22 கேரட் தங்கம் ஒரு கிராமுக்கு ₹115 உயர்ந்து, ₹11,325-க்கும், ஒரு சவரன் ₹1,920 உயர்ந்து, ₹90,600-க்கும் விற்பனை செய்யப்பட்டது.

இன்று காலை பெரும் சரிவு (₹1,800 குறைந்தது)
இந்த உச்சத்தைத் தொடர்ந்து, இன்று காலை (அக்டோபர் 30) நிலவரப்படி தங்கம் விலை அதிரடியாகச் சரிந்தது. 22 கேரட் தங்கம் கிராமுக்கு ₹225 குறைந்து, ஒரு கிராம் ₹11,100-க்கும், சவரனுக்கு ₹1,800 குறைந்து, ஒரு சவரன் ₹88,800-க்கும் விற்பனையானது. இதேபோல், 18 கேரட் தங்கம் கிராமுக்கு ₹190 குறைந்து, ஒரு கிராம் ₹9,260-க்கும், சவரனுக்கு ₹1,520 குறைந்து, ₹74,080-க்கும் விற்பனை செய்யப்பட்டது.

மாலை நிலவரம்: மீண்டும் விலை உயர்வு!

நகைப்பிரியர்கள் இந்தச் சரிவால் மகிழ்ந்த நிலையில், இன்று மாலை தங்கம் விலை மீண்டும் கணிசமாக உயர்ந்தது.

22 கேரட் தங்கம்: கிராமுக்கு ₹200 அதிகரித்து ₹11,300-க்கும், சவரனுக்கு ₹1,600 அதிகரித்து ₹90,400-க்கும் விற்பனையாகிறது.

18 கேரட் தங்கம்: கிராமுக்கு ₹160 அதிகரித்து ₹9,420-க்கும், சவரனுக்கு ₹1,280 குறைந்து ₹75,360-க்கும் விற்பனை செய்யப்படுகிறது.

வெள்ளி விலை நிலவரம்

வெள்ளி விலையில் இன்று எந்த மாற்றமும் இல்லாமல், ஒரு கிராம் ₹165-க்கும், ஒரு கிலோ ₹1,65,000-க்கும் விற்பனை செய்யப்பட்டு வருகிறது.

தங்கம் விலை ஒரே நாளில் பல ஆயிரம் ரூபாய் அளவுக்கு ஏற்ற இறக்கத்தைக் கண்டிருப்பது, முதலீட்டாளர்கள் மற்றும் நகைப்பிரியர்கள் மத்தியில் பெரும் குழப்பத்தையும், பரபரப்பையும் ஏற்படுத்தியுள்ளது.