வரலாறு காணாத வகையில் உயர்ந்த தங்கம் விலை: நகைப் பிரியர்கள் அதிர்ச்சி

தங்கம் விலை இன்று (செப்.21) ஒரே நாளில் சவரனுக்கு ரூ.600 உயர்ந்து புதிய உச்சத்தை எட்டியுள்ளது.

சர்வதேச பொருளாதார சூழல், அமெரிக்க டாலருக்கு நிகரான இந்திய ரூபாயின் மதிப்பு ஆகியவற்றின் அடிப்படையில் தங்கம் விலை நிர்ணயிக்கப்படுகிறது.

இந்தியாவில் மத்திய அரசு தங்கத்திற்கு வரி குறைப்பு செய்த நிலையில் தங்கம் ரூ.55,000க்கும் கீழ் விற்பனை ஆனது. இந்நிலையில் திடீரென இந்த வாரத் தொடக்கத்தில் திங்கள் கிழமை (செப்.16) தங்கம் விலை மீண்டும் ரூ.55,000-ஐ கடந்தது.

தங்கம், வெள்ளி விலை தொடர்ந்து உயர்ந்து வந்த நிலையில் இன்று ஒரே நாளில் சவரனுக்கு ரூ.600 உயர்ந்து ரூ.55,680க்கு விற்பனை செய்யப்படுகிறது. கிராமுக்கு 75 ரூபாய் உயர்ந்து ரூ.6,960க்கு விற்பனை செய்யப்படுகிறது.

அதே போல் வெள்ளி விலையும் கிராமுக்கு 50 காசுகள் உயர்ந்து ரூ.98-க்கும் ஒரு கிலோவுக்கு ரூ.500 உயர்ந்து ரூ.98,000க்கும் விற்பனை செய்யப்படுகிறது.