ரூ.56,000 நெருங்கும் தங்கம் விலை: இன்று சவரனுக்கு ரூ.160 உயர்வு

தங்கம் விலை இன்று (செப்.23) சவரனுக்கு ரூ.160 உயர்ந்து ரூ.56,000-ஐ நெருங்குகிறது.

சர்வதேச பொருளாதார சூழல், அமெரிக்க டாலருக்கு நிகரான இந்திய ரூபாயின் மதிப்பு ஆகியவற்றின் அடிப்படையில் தங்கம் விலை நிர்ணயிக்கப்படுகிறது.

இந்தியாவில் மத்திய அரசு தங்கத்திற்கு வரி குறைப்பு செய்த நிலையில் தங்கம் ரூ.55,000க்கும் கீழ் விற்பனை ஆனது. இந்நிலையில் திடீரென கடந்த வாரம் முதல் விலை அதிகரிக்கத் தொடங்கியது. ரூ.56,000-ஐ நெருங்கி வருகிறது.

சென்னையில் இன்று 22 கேரட் ஆபரணத் தங்கத்தின் விலை சவரனுக்கு ரூ.160 உயர்ந்து ரூ.55,840க்கு விற்பனை செய்யப்படுகிறது. கிராமுக்கு ரூ.20 உயர்ந்து ரூ.6,980க்கு விற்பனை ஆகிறது.

வெள்ளியின் விலையும் ரூ.3.50 உயர்ந்து ஒரு கிராம் வெள்ளி ரூ 95 க்கும் ஒரு கிலோ வெள்ளி ரூ 95,000க்கும் விற்பனையானது.