கிடுகிடுவென உயரும் தங்கம் விலை: இன்று ஒரு கிராம் ரூ.7,000க்கு விற்பனை

சர்வதேச பொருளாதார சூழல், அமெரிக்க டாலருக்கு நிகரான இந்திய ரூபாயின் மதிப்பு ஆகியவற்றின் அடிப்படையில் தங்கம் விலை நிர்ணயிக்கப்படுகிறது.

இந்தியாவில் மத்திய அரசு தங்கத்திற்கு வரி குறைப்பு செய்த நிலையில் தங்கம் ரூ.55,000க்கும் கீழ் விற்பனை ஆனது. இந்நிலையில் திடீரென கடந்த வாரம் முதல் விலை அதிகரிக்கத் தொடங்கியது. கிடுகிடுவென விலை உயர்ந்தது. வரலாறு காணாத வகையில் இன்று புதிய உச்சம் அடைந்துள்ளது.

இந்நிலையில், சென்னையில் இன்று ஆபரணத் தங்கத்தின் விலை சவரனுக்கு ரூ.160 உயர்ந்து ரூ.56,000க்கு விற்பனை செய்யப்படுகிறது.

ஒரு கிராம் தங்கம் ரூ.20 அதிகரித்து ரூ.7,000க்கு விற்பனை செய்யப்படுகிறது. தொடர்ந்து விலை உயர்வால் மக்கள், நகைப் பிரியர்கள் கலக்கம் அடைந்துள்ளனர்.