ஒரே நாளில் ரூ 528... தங்கம் விலை இதுவரை இல்லாத அளவில் சரிவு

இந்தியாவில் தங்கம் விலை கடந்த மார்ச் மாத தொடக்கத்தில் இருந்து ஒருநாள் உயருவதும், மறுநாள் கொஞ்சம் குறைவதுமாக ஆட்டம் காட்டி வருகிறது. இந்நிலையில், கடந்த சில நாட்களாகவே தங்கம் விலை அதிரடியாக சரிந்து வருகிறது. கடந்த 10 நாட்களில் மட்டும் தங்கம் விலை சவரனுக்கு ரூ.1,500-க்கும் மேல் சரிந்துள்ளது. இதனால் இல்லத்தரசிகள் மற்றும் நகைப் பிரியர்கள் மிகவும் மகிழ்ச்சியில் உள்ளனர்.  

கடந்த சனிக்கிழமை தங்கம் விலை சவரனுக்கு ரூ.240 குறைந்தது. இந்நிலையில், நேற்று திங்கள் கிழமை சவரனுக்கு ரூ.32 குறைந்து ஒரு சவரன் ரூ. ரூ.42,848-க்கும், கிராமுக்கு ரூ.4 குறைந்து ஒரு கிராம் ரூ.5,356-க்கும் விற்பனை செய்யப்பட்டது. இந்த நிலையில், தங்கம் விலை இன்றும் அதிரடியாக சரிந்துள்ளது. 

இன்று தங்கம் விலை சவரனுக்கு ரூ.528 அதிரடியாக குறைந்துள்ளது. அதன்படி, சென்னையில் இன்று 22 கேரட் ஆபரணத் தங்கத்தின் விலை சவரனுக்கு ரூ.528  குறைந்து ரூ.42,320-க்கு விற்பனை செய்யப்படுகிறது. 22 கேரட் ஆபரணத் தங்கத்தின் விலை கிராமுக்கு ரூ.66 குறைந்து ரூ.5,290-க்கு விற்பனை செய்யப்படுகிறது.

24 கேரட் ஆபரணத் தங்கத்தின் விலை ஒரு கிராம் ரூ. 5,771-க்கும், ஒரு சவரன் ரூ.46,168-க்கும் விற்பனையாகிகிறது. 

மதுரை தங்கம் விலை 

மதுரையில் இன்று 22 கேரட் ஆபரணத் தங்கத்தின் விலை ஒரு கிராம் 5,260-க்கும், ஒரு சவரன் 42, 080-க்கும் விற்பனை செய்யப்படுகிறது.

வெள்ளி விலை

வெள்ளியின் விலையும் அதிரடியாக சரிந்துள்ளது. கிராமுக்கு 2 ரூபாய் குறைந்துள்ள வெள்ளி விலை ஒரு கிராம் ரூ.73. 50-க்கு விற்பனை செய்யப்படுகிறது. ஒரு கிலோ வெள்ளி ரூ.73,500-க்கு விற்பனை செய்யப்படுகிறது. 

“தமிழ்இந்தியன்எக்ஸ்பிரஸின்அனைத்துசெய்திகளையும்உடனுக்குடன்டெலிகிராம்ஆப்பில்பெறhttps://t.me/ietamil“