மீண்டும் பல்டி அடித்த தங்கம் விலை... அதிர்ச்சியில் நகைப் பிரியர்கள்!

Gold-rate | gold | business: இந்தியாவில் தங்கம் விலை கடந்த மார்ச் மாத தொடக்கத்தில் இருந்து ஒருநாள் உயருவதும், மறுநாள் கொஞ்சம் குறைவதுமாக ஆட்டம் காட்டி வருகிறது. இந்நிலையில், தங்கம் விலை கடந்த திங்கள்கிழமை சவரனுக்கு ரூ.160 உயர்ந்தது. இதேபோல் மறுநாள் செவ்வாய்க்கிழமை சவரனுக்கு ரூ.80 அதிகரித்து ஒரு சவரன் ரூ.44,400-க்கு விற்பனையாகியது.

ஆனால் புதன்கிழமை தங்கம் விலையில் எந்த மாற்றமும் இன்றி அதே விலையிலே நீடித்தது. இதேபோல் நேற்று முன்தினம் தங்கம் விலை சவரனுக்கு ரூ.160 அதிரடியாக சரிந்தது. தொடர்ந்து நேற்று வெள்ளிக்கிழமையும் தங்கம் விலை அதிரடியாக சரிந்தது. சவரனுக்கு ரூ.160 குறைந்த தங்கம் விலை ஒரு சவரன் ரூ. 44,080-க்கும், கிராமுக்கு ரூ.20 குறைந்து ஒரு கிராம் ரூ.5,510-க்கு விற்பனை செய்யப்பட்டது. 

இந்த நிலையில், தங்கம் விலை இன்று மீண்டும் பல்டி அடித்து அதிகரித்துள்ளது. அதன்படி, சென்னையில் 22 கேரட் ஆபரணத் தங்கத்தின் விலை சவரனுக்கு ரூ.88 உயர்ந்து ரூ.44,168-க்கு விற்பனை செய்யப்படுகிறது. 22 கேரட் ஆபரணத் தங்கத்தின் விலை கிராமுக்கு ரூ.11 உயர்ந்து ரூ.5,521-க்கு விற்பனை செய்யப்படுகிறது.

24 கேரட் ஆபரணத் தங்கத்தின் விலை ஒரு கிராம் ரூ. 6,023-க்கும், ஒரு சவரன் ரூ.48,184-க்கும் விற்பனையாகியது.

வெள்ளி விலை

தங்கத்தைப் போலவே வெள்ளியின் விலையும் உயர்ந்துள்ளது. வெள்ளியின் விலை கிராமுக்கு 30 காசு உயர்ந்து ரூ.79.30-க்கு விற்பனை செய்யப்படுகிறது. ஒரு கிலோ வெள்ளி ரூ.79,300-க்கு விற்பனை செய்யப்படுகிறது. 

“தமிழ்இந்தியன்எக்ஸ்பிரஸின்அனைத்துசெய்திகளையும்உடனுக்குடன்டெலிகிராம்ஆப்பில்பெறhttps://t.me/ietamil“