ரூ .1 லட்சம் ஓய்வூதியத்துடன் ஓய்வு பெற மாதம் எவ்வளவு முதலீடு செய்ய வேண்டும்?

தேசிய ஓய்வூதிய அமைப்பு (NPS) தனிநபர்கள் நிதி ரீதியாக பாதுகாப்பான எதிர்காலத்தை வழங்குவதை நோக்கமாகக் கொண்டு பங்குகள், அரசாங்க பத்திரங்கள் மற்றும் கார்ப்பரேட் கடன் போன்ற பல்வேறு சொத்துகளில் முதலீடு செய்வதன் மூலம் ஓய்வூதியத்திற்காக சேமிக்க உதவுகிறது.

தேசிய ஓய்வூதிய திட்டம் (NPS) என்பது சந்தையுடன் இணைக்கப்பட்ட திட்டமாகும். இது உங்கள் ஓய்வுக்காலத்திற்காக சேமிக்க உதவுகிறது. என்.பி.எஸ் திட்டத்தில் 18 முதல் 70 வயதுக்குட்பட்ட வெளிநாட்டில் வசிப்பவர்கள் உட்பட இந்தியாவின் அனைத்து குடிமக்களுக்கும் கிடைக்கிறது. 

தனிநபர்கள் ஓய்வூதியத்தின் போது தங்களைக் கவனித்துக்கொள்ள ஓய்வூதிய வடிவில் வருமானம் பெற உதவுவதற்காக மத்திய அரசால் தொடங்கப்பட்டது. என்.பி.எஸ் முதலீடுகள் மற்றும் திரும்பப் பெறுதல்களுக்கு வரி சலுகைகளை வழங்குகிறது. இது கவர்ச்சிகரமான ஓய்வூதிய சேமிப்பு விருப்பமாகிறது. 25 வயதில் ரூ .1 லட்சம் ஓய்வூதியத்துடன் ஓய்வு பெற மாதத்திற்கு எவ்வளவு முதலீடு செய்ய வேண்டும் என்பதைக் காணலாம்.

என்.பி.எஸ். என்றால் என்ன?

தேசிய ஓய்வூதிய திட்டம் (NPS) என்பது சந்தையுடன் இணைக்கப்பட்ட ஓர் ஓய்வூதியத் திட்டமாகும். இந்திய அரசால் வழங்கப்படும் சேமிப்புத் திட்டம். ஓய்வு காலத்திற்காக சேமிக்க விரும்புபவர்கள் இந்த திட்டத்தில் சேமித்து பலனடையலாம். EPF திட்டத்தைப் போலவே இதற்கும் நிறுவனத்தின் தரப்பிலும், அந்தந்த உறுப்பினரின் தரப்பிலும் பங்களிப்பு செய்ய வேண்டும். திட்டம் எளிமையானது, தன்னார்வமானது, கையடக்கமானது மற்றும் நெகிழ்வானது. இது உங்கள் ஓய்வூதிய வருமானத்தை அதிகரிப்பதற்கும் வரியை சேமிப்பதற்கும் பயன்படும். திட்டமிட்ட வழியில் முறையான சேமிப்புகளுடன் நிதி ரீதியாக பாதுகாப்பான ஓய்வுக்காலத்திற்கு திட்டமிட ஏதுவாக இருக்கும்.

முதலீட்டு விருப்பங்கள் என்ன?

இந்தியாவில் என்.பி.எஸ் முதலீட்டாளர்களுக்கு ஆக்டிவ் சாய்ஸ் மற்றும் ஆட்டோ சாய்ஸ் முதலீடு என 2 வகையான முதலீட்டு விருப்பங்களை வழங்குகிறது. ஆக்டிவ் சாய்ஸ் முதலீட்டில், முதலீட்டாளர்கள் தங்கள் ரிஸ்க் எடுக்கும் திறன் மற்றும் வயதுக்கு ஏற்ப செக்யூரிட்டிகளில் முதலீடு செய்ய முடிவு செய்கிறார்கள். ஆட்டோ சாய்ஸ் முதலீட்டில், முதலீட்டாளரின் வயது அடுக்கின் அடிப்படையில் உங்கள் சார்பாக முதலீடு செய்வதற்கான பத்திரங்களை திட்ட மேலாளர் தேர்வு செய்கிறார்.

நன்மைகள் என்ன?

நெகிழ்வானது, எளிமையானது மற்றும் வரி திறன் கொண்டது. ஒழுங்குபடுத்தப்பட்ட மற்றும் வெளிப்படையானது. குறைந்த செலவு மற்றும் கூட்டு சக்தியின் இரட்டை நன்மை. ஆன்லைன் அணுகல் உள்ளது. தேசிய ஓய்வூதிய திட்டம் 2 அடுக்குகளாக கட்டமைக்கப்பட்டுள்ளது

அடுக்கு-I:

இது நிரந்தர ஓய்வூதியக் கணக்காகும். இதில் சந்தாதாரர் மற்றும் அவர்களின் முதலாளியால் செய்யப்பட்ட வழக்கமான பங்களிப்பு ஆகும். இதில் நீங்கள் தேர்ந்தெடுத்த திட்டம் / நிதி மேலாளரின் படி வரவு வைக்கப்பட்டு முதலீடு செய்யப்படுகின்றன.

அடுக்கு-II:

இது ஒரு தன்னார்வ /விருப்ப திரும்பப் பெறக்கூடிய கணக்கு, இது உங்களிடம் செயலில் உள்ள அடுக்கு I கணக்கு இருக்கும்போது மட்டுமே அனுமதிக்கப்படுகிறது. உங்களுக்கு தேவைப்படும் போது இந்த கணக்கிலிருந்து பணம் எடுக்க அனுமதிக்கப்படும்.

எப்படி கணக்கீடு செய்யப்படும்:

மாதாந்திர பங்களிப்பு: XX
முதலீட்டு காலம்: 33 ஆண்டுகள்
பங்களிப்பில் ஆண்டு அதிகரிப்பு: 5%
ஆண்டுத் தொகை வருவாய் விகிதம்: 6.75

அரசு சாரா துறைக்கான தேசிய ஓய்வூதியத் திட்டத்தில் 75% ஈக்விட்டி, 25% அரசாங்க பத்திரங்கள். ரூ.1 லட்சம் ஓய்வூதியத்துடன் ஓய்வு பெற ஒருவர் மாதத்திற்கு ரூ .5,000 முதலீடு செய்ய வேண்டும். இந்த காலகட்டத்தில் மொத்த முதலீடு ரூ.54,73,411 ஆக இருக்கும். மதிப்பிடப்பட்ட மூலதன ஆதாயங்கள் ரூ .3,90,95,955 ஆகவும், மதிப்பிடப்பட்ட ஓய்வூதிய கார்பஸ் ரூ .4,45,69,366 ஆகவும் இருக்கும். 60 வயதில், நீங்கள் ரூ .2,67,41,620 மதிப்புள்ள தொகையை எடுக்கலாம். உங்கள் மதிப்பிடப்பட்ட மாதாந்திர ஓய்வூதியம் ரூ .1,00,281 ஆகும்.