Fancy or VIP number plates | இந்தியர்கள் தங்கள் அனைத்து வாகனங்களுக்கும் ஒரு குறிப்பிட்ட வடிவ நம்பரை ஒட்டிக்கொள்ள விரும்புகிறார்கள். அந்த வகையில், ஆடம்பரமான வி.ஐ.பி நம்பர் பிளேட்டைப் பெறுவது பெரும்பாலும் பிரீமியம் செலவில் வருகிறது.
இந்த சிறப்புப் பதிவு எண்கள் இப்போது வட்டாரப் போக்குவரத்து அலுவலகம் (ஆர்டிஓ) நடத்தும் மின்-ஏலத்தின் மூலம் அணுகலாம். அங்கு தனிநபர்கள் தங்களுக்கு விருப்பமான நம்பர் பிளேட்டுகளை ஏலம் எடுக்கலாம். அதிக விலைக்கு ஏலம் எடுத்தால், ஃபேன்ஸி எண்ணைப் பெறுவீர்கள்.
பதிவு கட்டணம் மற்றும் பிற கட்டணங்கள்
பெரும்பாலான நேரங்களில், சிறப்பு எண்ணுக்கு விண்ணப்பிப்பவர் ஒரு குறிப்பிட்ட பதிவுக் கட்டணத்தைச் செலுத்தி, தேவையான எண்ணுக்கான அடிப்படை விலையை முன்பணமாக டெபாசிட் செய்ய வேண்டும்.
ஒரு நபருக்கு எண் ஒதுக்கப்பட்டதும், மீதமுள்ள தொகையை ஒரு குறிப்பிட்ட காலக்கெடுவிற்குள் ஆர்.டி.ஓ (RTO)-க்கு செலுத்த வேண்டும். அவ்வாறு செய்யத் தவறினால் விண்ணப்பம் ரத்து செய்யப்படும்.
விஐபி எண்களை பெறுவதற்கான வழிகள்
பொதுப் பயனராக சாலைப் போக்குவரத்து மற்றும் நெடுஞ்சாலை அமைச்சகத்தின் (MoRTH) அதிகாரப்பூர்வ இணையதளத்தில் ஆன்லைனில் பதிவு செய்யவும்.
கணக்கை உருவாக்கி உள்நுழையவும்.
உங்கள் தொடர்புடைய வட்டாரப் போக்குவரத்து அலுவலகத்தைத் (RTO) தேர்வு செய்து, கிடைக்கும் பட்டியலில் இருந்து உங்களுக்கு விருப்பமான ஃபேன்சி எண்ணைத் தேர்ந்தெடுக்கவும். நீங்கள் விரும்பிய இலக்கங்களை உள்ளிடுவதன் மூலம் குறிப்பிட்ட எண்ணின் கிடைக்கும் தன்மையையும் நீங்கள் சரிபார்க்கலாம். ஒவ்வொரு எண்ணுக்கும் முன்பதிவு கட்டணம் காட்டப்படும்.
தேவையான பதிவுக் கட்டணத்தைச் செலுத்தி, நீங்கள் தேர்ந்தெடுத்த எண்ணை முன்பதிவு செய்யவும்.
நீங்கள் விரும்பும் ஃபேன்ஸி நம்பர் பிளேட்டுக்கான ஏலத்தில் பங்கேற்கவும். உங்கள் ஏலத்தை உள்ளிட்டு, போட்டியிடும் ஏலங்களைக் கண்காணிக்கவும். தேவைப்பட்டால் உங்கள் ஏலத்தை அதிகரிக்க தயாராக இருங்கள்.
மின்-ஏலம் முடிந்த பிறகு, நம்பர் பிளேட்டைப் பெற தேவையான கட்டணத்தைச் செலுத்தவும்.
ஒதுக்கீடு கடிதத்தை பிரிண்ட் எடுத்துக் கொள்ளுங்கள். இது உங்களுக்கு ஒதுக்கப்பட்ட ஃபேன்ஸி அல்லது விஐபி நம்பர் பிளேட்டுக்கான அதிகாரப்பூர்வ குறிப்பு ஆகும்.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“