ஃபிக்ஸட் டெபாசிட் வட்டியை திருத்திய ஐ.டி.பி.ஐ: புதிய ரேட்-ஐ செக் பண்ணுங்க

ஐடிபிஐ வங்கி ரூ.2 கோடிக்கும் குறைவான தொகைக்கான வைப்பு (எஃப்டி) வட்டி விகிதங்களைத் திருத்தியுள்ளது. புதிய வட்டி விகிதங்கள் ஜூன் 14, 2023 முதல் அமலுக்கு வந்துள்ளன.

ஐ.டி.பி.ஐ ஃபிக்ஸட் டெபாசிட்

7 முதல் 30 நாள்களுக்குள் முதிர்ச்சியடையும் நிலையான வைப்புகளுக்கு 3 சதவீத வட்டி விகிதம் கிடைக்கும். வங்கி 31 முதல் 45 நாள்களுக்குள் முதிர்ச்சியடையும் நிலையான வைப்புகளுக்கு 3.25 சதவீத வட்டி விகிதத்தை செலுத்தும்.
46 முதல் 90 நாள்களுக்குள் முதிர்ச்சியடையும் நிலையான வைப்புகளுக்கு வங்கி 4 சதவீத வட்டி விகிதத்தை செலுத்தும். 91 நாட்கள் முதல் 6 மாதங்கள் வரை முதிர்ச்சியடையும் ஃபிக்ஸட் டெபாசிட்கள் இப்போது 4.50 சதவீத வட்டி விகிதத்தைப் பெறும்.

ஐடிபிஐ வங்கி ஆறு மாதங்களுக்கும் ஒரு வருடத்திற்கும் குறைவான காலக்கெடுவிற்குள் முதிர்ச்சியடையும் நிலையான வைப்புகளுக்கு 5.75 சதவீத வட்டி விகிதத்தை வழங்குகிறது.
ஒன்று முதல் இரண்டு ஆண்டுகள் வரை (444 நாட்கள் தவிர்த்து) முதிர்ச்சியடையும் நிலையான வைப்புகளுக்கு 6.80 சதவீத வட்டி விகிதம் கிடைக்கும்.

அனைத்து ஃபிக்ஸட் டெபாசிட்களிலும் மூத்தக் குடிமக்கள் 0.50 சதவீதம் அதிகம் பெற தகுதியுடையவர்கள் ஆவார்கள்.