Advertisment

வருமான வரி தாக்கல்; AIS டவுன்லோட் செய்வது எப்படி?

Income Tax Return: How to download Annual Information Statement to make ITR filing easy: வருமான வரி தாக்கலுக்கு புதிய படிவம் அறிமுகம்; அதனை பதிவிறக்கம் செய்வது எப்படி? முழுத் தகவல்கள் இங்கே.

author-image
WebDesk
New Update
வருமான வரி தாக்கல்; AIS டவுன்லோட் செய்வது எப்படி?

ஒரு வரி செலுத்துவோர் அவரின் மொத்த வருமானத்தைக் கணக்கிடுவதற்கு, தொடர்புடைய அனைத்து விவரங்களையும் வருமான வரிக் கணக்கில் (ITR) தெரிவிக்க வேண்டும். சம்பள வருமானம் தொடர்பான தகவல்கள் படிவம் 16 இல் காணப்படலாம் மற்றும் நிலையான வைப்புத்தொகை (FD) மீதான வட்டி தொடர்பான தகவல்கள் படிவம் 16A இல் காணப்படலாம், இந்த வருமானங்களுக்கான விவரங்களை சேகரிப்பது கடினமாக உள்ளது, மேலும், அங்கு மூலத்தில் வரி (டிடிஎஸ்) கழிக்கப்படவில்லை. .

Advertisment

வருமானம் மற்றும் வரி தொடர்பான அனைத்து தகவல்களையும் பெற, வரி செலுத்துவோர் படிவம் 26AS ஐ பதிவிறக்கம் செய்து பயன்படுத்துகின்றனர். இருப்பினும், படிவம் 26A பெரும்பாலும் மேற்கண்ட வருமான விவரங்களைக் கொண்டுள்ளது, இங்கு வரி TDS ஆகக் கழிக்கப்பட்டுள்ளது.

எனவே, படிவம் 26AS ஆனது TDS அல்லாத பெரும்பாலான வருமானங்களை வெளிப்படுத்தத் தவறிவிட்டது. அதாவது, சேமிப்பு வங்கிக் கணக்கு மீதான வட்டி, ஈவுத்தொகை, சொத்து, பங்குகள், பரஸ்பர நிதி (MF) யூனிட்கள், ஈவுத்தொகை போன்ற மூலதனப் பொருட்களின் விற்பனையின் மூலதன ஆதாயங்கள் போன்றவை. படிவம் 26AS பதிவிறக்கம் செய்த பிறகும், வரி செலுத்துவோர் படிவம் 26AS வெளிப்படுத்தத் தவறிய, அந்த தகவல்களை தனித்தனியாக சேகரிக்க வேண்டும்.

இதுபோன்ற சிக்கலைச் சமாளிக்கவும், வரி செலுத்துவோர் வருமானத்தைத் தாக்கல் செய்வதை எளிதாக்கவும், வருடாந்திர தகவல் அறிக்கை (ஏஐஎஸ்) அறிமுகப்படுத்தப்பட்டுள்ளது, இது ஐடிஆர் தாக்கல் செய்யத் தேவையான அனைத்து தகவல்களையும் கொண்டுள்ளது.

எனவே, AIS அறிமுகப்படுத்தப்பட்ட பிறகு, படிவம் 26AS ன் பயன்பாடு தேவையற்றதாகி விடும்.

படிவம் 26AS நிறுத்தப்படுமா?

இப்போதைக்கு, நிறுத்தப்படாது மேலும் ஒரு வரி செலுத்துவோர் படிவம் 26AS மற்றும் AIS இரண்டையும் ஒரே நேரத்தில் அணுகலாம். எனவே, உங்கள் ஐடிஆருக்கான விவரங்களை அறிந்து சமர்பிப்பது மிகவும் எளிதாக இருக்கும்.

உங்கள் AIS ஐ எவ்வாறு அணுகுவது?

AIS ஐ பதிவிறக்கம் செய்ய, Incometax.gov.in தளத்தில் முதலில் உங்கள் வருமான வரி கணக்கில் உள்நுழையவும்.

பின்னர் சேவைகள் தாவலுக்குச் சென்று, கீழ்தோன்றலில் இருந்து AIS விருப்பத்தைத் தேர்ந்தெடுக்கவும்.

AIS விருப்பத்தைத் தேர்ந்தெடுக்கும்போது, ​​​​பக்கத்தின் இடது பக்கத்தில் வரி தகவல் சுருக்கம் (TIS) மற்றும் வலது பக்கத்தில் AIS என இரண்டு விருப்பங்களுடன் ஒரு புதிய தாவல் திறக்கும்.

TIS மற்றும் AIS இரண்டையும் நீங்கள் பதிவிறக்கம் செய்யலாம், ஏனெனில் இரண்டும் ஒரே தகவலைக் கொண்டிருப்பதால், TIS இல் சுருக்க வடிவத்திலும் மற்றும் AIS இல் விரிவான வடிவத்திலும் தகவல்கள் உள்ளன.

அறிக்கைகள் PDF அல்லது JPEG வடிவத்தில் பதிவிறக்கம் செய்யப்படலாம். அறிக்கையைத் திறப்பதற்கான கடவுச்சொல் உங்கள் PAN எண்ணாகவும் (CAPITAL இல்) உங்கள் பிறந்த தேதியாகவும் (DDMMYYYY) இடைவெளி அல்லது சிறப்பு குறிகள் இல்லாமல் இருக்கும்.

Itr Filling Income Tax Return Filing
Advertisment

Stay updated with the latest news headlines and all the latest Lifestyle news. Download Indian Express Tamil App - Android or iOS.

Follow us:
Advertisment