கடனுக்கான வட்டிகளை வங்கிகள் குறைத்தால் என்ன நடக்கும்?

சிறு, குறு மற்றும் நடுத்தர தொழில் நிறுவனங்களுக்கு இந்தியன் ஓவர்சீஸ் வங்கியில் வட்டி விகிதங்கள் குறைக்கப்பட்டுள்ளது.

By: October 24, 2020, 9:33:15 AM

Bank Loans Tamil News: இந்தியன் ஓவர்சீஸ் வங்கி வாடிக்கையாளர்களுக்கு இந்த செய்தி மகிழ்ச்சியான செய்தி தான். ஐஒபி வங்கியின் எம்.சி.எல்.ஆர். எனப்படும் கடன் வட்டி விகிதம் 0.10 சதவீதம் வரை குறைக்கப்பட்டு இருக்கிறது.அப்படி என்றால் உங்களுக்கு கிடைக்கபோகும் வட்டி அல்லது நீங்கள் கட்டப்போகும் வட்டி எவ்வளவு தெரியுமா?

எம்.சி.எல்.ஆர். என்பது வங்கிகளின் வட்டிச் செலவின அடிப்படையில் நிர்ணயிக்கப்படும் கடன் வட்டி விகிதமாகும். இந்தியன் ஓவர்சீஸ் வங்கி அனைத்து முதிர்வுகளிலும் இந்த வட்டி விகிதத்தை 0.10 சதவீதம் வரை குறைத்து இருக்கிறது. இதனையடுத்து ஓராண்டு முதிர்வு கால வட்டி விகிதம் 0.10 சதவீதம் குறைந்து 8.70 சதவீதமாக உள்ளது.

இதே போன்று 2–3 ஆண்டுகளுக்கான எம்.சி.எல்.ஆர். முறையே 8.80 சதவீதம் மற்றும் 8.90 சதவீதமாக குறைந்து இருக்கிறது. 6 மாதங்களுக்கான இந்த வட்டி விகிதம் முதலில் 8.60 சதவீதமாக இருந்தது. இது இப்போது 8.50 சதவீதமாக குறைக்கப்பட்டுள்ளது.

3 மாதங்களுக்கான வட்டி விகிதம் (8.50 சதவீதத்தில் இருந்து) 8.45 சதவீதமாக குறைந்துள்ளது. இது தவிர, சுப கிரஹா திட்டம், என்ஆர்ஐ வீட்டு கடன், வீடு புதுப்பித்தல் மற்றும் அழகுபடுத்தும் திட்டங்களின் கீழ் வீட்டு கடன்கள் மற்றும் வாகன கடன்களுக்கான செயல்பாட்டு கட்டணங்களை விழாக்கால சலுகையாக வங்கி அறிவிப்பு வெளியிட்டுள்ளது.

அதே போல் சிறு, குறு மற்றும் நடுத்தர தொழில் நிறுவனங்களுக்கு இந்தியன் ஓவர்சீஸ் வங்கியில் வட்டி விகிதங்கள் குறைக்கப்பட்டுள்ளது. நாட்டின் பொருளாதாரத்திற்கு முதுகெலும்பாக சிறு, குறு மற்றும் நடுத்தர தொழில் நிறுவனங்கள் விளங்கி வருகின்றன. மேலும், இந்தியாவின் உள்ள 12 கோடி பேருக்கு வேலை வாய்ப்புகளை வழங்கி வருகிறது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற t.me/ietamil”

Get all the Latest Tamil News and Tamil Nadu News at Indian Express Tamil. You can also catch all the Business News in Tamil by following us on Twitter and Facebook

Web Title:Indian overseas bank loan home loan personal tamil news

The moderation of comments is automated and not cleared manually by tamil.indianexpress.com.
பிரபலமானவை
Advertisement

இதைப் பாருங்க!
X