அதிர்ச்சி கொடுத்த ஜூலை-செப்டம்பர் காலாண்டு.. மந்தமான பொருளாதார வளர்ச்சி

2022 Q2 GDP Data India: தேசிய புள்ளியியல் அலுவலகம் (NSO) புதன்கிழமை வெளியிட்ட தற்காலிக மதிப்பீடுகளின்படி, நடப்பு நிதியாண்டின் 2022-23 ஜூலை-செப்டம்பர் காலாண்டில் (Q2) இந்தியாவின் மொத்த உள்நாட்டு உற்பத்தி (GDP) 6.3 சதவீதமாகக் குறைந்துள்ளது.
உற்பத்தி மற்றும் சுரங்கத் துறைகளின் மோசமான செயல்திறனால் GDP வளர்ச்சியானது குறைந்துள்ளது. இந்நிலையில், 2021-22 ஆம் ஆண்டின் தொடர்புடைய காலாண்டில் மொத்த உள்நாட்டு உற்பத்தி 8.4 சதவிகிதம் அதிகரித்திருந்தாலும், 2022-23 ஆம் ஆண்டின் முந்தைய ஏப்ரல்-ஜூன் காலாண்டில் 13.5 சதவிகித வளர்ச்சியைக் கண்டது.

இந்திய ரிசர்வ் வங்கி (RBI) இந்த மாத தொடக்கத்தில் தனது அறிக்கையில் Q2 இல் வளர்ச்சி விகிதம் 6.1-6.3 சதவிகிதம் என்று கணித்துள்ளது.
மேலும், 2022 ஜூலை-செப்டம்பரில் சீனா 3.9 சதவீத பொருளாதார வளர்ச்சியைப் பதிவு செய்ததால், இந்தியா வேகமாக வளர்ந்து வரும் பெரிய பொருளாதாரமாக இருந்தது.

அரசாங்க தரவுகளின்படி, செப்டம்பர் காலாண்டில் நிலையான அடிப்படையில் அடிப்படை விலையில் மொத்த மதிப்பு கூட்டல் (GVA) 5.6 சதவீதம் உயர்ந்துள்ளது. தற்போதைய விலையில் அடிப்படை விலையில் ஜிவிஏ 2022-23 காலாண்டில் 16.2 சதவீதம் உயர்ந்தது.

வர்த்தகம், ஹோட்டல்கள், போக்குவரத்து, தகவல் தொடர்பு மற்றும் ஒளிபரப்பு தொடர்பான சேவைகளின் GVA 14.7 சதவிகிதம் உயர்ந்துள்ளது, நிதி, ரியல் எஸ்டேட் மற்றும் தொழில்முறை சேவைகள் 7.2 சதவிகிதம் உயர்ந்துள்ளது.
உற்பத்தித் துறையில் கடந்த ஆண்டின் 5.6 சதவீத வளர்ச்சியில் இருந்து காலாண்டில் 4.3 சதவீதம் சுருங்கியது. சுரங்கத் துறையில் ஜிவிஏ 14.5 சதவீத வளர்ச்சியுடன் ஒப்பிடும்போது காலாண்டில் 2.8 சதவீதம் குறைந்துள்ளது.

கட்டுமானத் துறையில் GVA வளர்ச்சியும் காலாண்டில் 8.1 சதவீதத்தில் இருந்து 6.6 சதவீதமாகக் குறைந்துள்ளது.

அதே நேரத்தில் 2022-23 ஆம் ஆண்டில், நடப்பு நிதியாண்டில் பொருளாதாரம் 6.8-7 சதவீத வளர்ச்சியை எட்டும் பாதையில் உள்ளது.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil