இந்தியாவின் ஜி.டி.பி வளர்ச்சி முதல் காலாண்டில் 6.7 சதவீதமாக சரிவு

வெள்ளிக்கிழமை வெளியிடப்பட்ட அரசாங்க தரவுகளின்படி, இந்தியாவின் மொத்த உள்நாட்டு உற்பத்தி (GDP) முந்தைய நிதியாண்டின் 8.2 சதவீதத்துடன் ஒப்பிடுகையில், இந்த ஆண்டு ஏப்ரல்-ஜூன் மாதங்களில் 6.7 சதவீதமாகக் குறைந்துள்ளது. இதற்கு முன்பு 2023 ஜனவரி-மார்ச் காலாண்டில் 6.2 சதவீதமாக இருந்தது.

ஆங்கிலத்தில் படிக்க: India’s Q1 GDP growth rate slows down to 15-month low of 6.7%

இருப்பினும், சீனாவின் ஜி.டி.பி வளர்ச்சி முதல் காலாண்டில் 4.7 சதவீதமாக இருப்பதால், இந்தியா வேகமாக வளர்ந்து வரும் பெரிய பொருளாதாரமாக உள்ளது.

தேசிய புள்ளியியல் அலுவலகம் (NSO) தரவுகளின்படி, விவசாயத் துறையானது 2023-24 ஏப்ரல்-ஜூன் காலாண்டில் 3.7 சதவீதத்திலிருந்து 2 சதவீத வளர்ச்சியைக் கண்டுள்ளது.

இதற்கிடையில், இந்த நிதியாண்டின் முதல் காலாண்டில் உற்பத்தித் துறை 7 சதவீத வளர்ச்சியைப் பதிவு செய்துள்ளது, இது முந்தைய ஆண்டின் 5 சதவீதத்துடன் ஒப்பிடுகையில் அதிகமாகும்.

கடந்த நிதியாண்டில் 7 சதவீதமாக இருந்த ‘சுரங்கம் மற்றும் குவாரிகளில்’ உற்பத்தி (GVA) முதல் காலாண்டில் 7.2 சதவீதமாக அதிகரித்துள்ளது.