/indian-express-tamil/media/agency_attachments/33Ho9XHwZawzDekwDLnu.png)
Follow Us/tamil-ie/media/media_files/uploads/2023/06/ls-money-2.jpg)
கிஷான் விகாஸ் பத்ராவின் இரட்டிப்பு காலம் 115 மாதங்கள் ஆகும்.
Kisan Vikas Patra 2024 Calculation | கிசான் விகாஸ் பத்ரா என்பது அஞ்சல் அலுவலகத்தின் சேமிப்புத் திட்டமாகும். இது கிராமப்புறங்கள் மற்றும் சிறிய நகரங்களில் உள்ள தனிநபர்களின் நீண்டகால சேமிப்புப் பழக்கத்தை ஊக்குவிப்பதை நோக்கமாகக் கொண்டுள்ளது.
பணத்தை இரட்டிப்பாக்கும் திட்டம்
இந்திய அரசாங்கத்தால் தொடங்கப்பட்ட இந்தத் திட்டம், தோராயமாக 9.5 ஆண்டுகளில் (115 மாதங்கள்) ஒரு முறை முதலீட்டை இரட்டிப்பாக்க உறுதியளிக்கிறது.
இது 7.5 சதவீத கூட்டு வருடாந்திர வருவாயின் நிலையான விகிதத்தை வழங்குகிறது. மேலும், இது ஆபத்து இல்லாத முதலீட்டாளர்களுக்கு கவர்ச்சிகரமான விருப்பமாக அமைகிறது.
யார் யார் கணக்கை தொடங்கலாம்
கிசான் விகாஸ் பத்ரா திட்டத்தின் கீழ், எந்தவொரு வயது வந்தவரும் தனிநபர் அல்லது 3 பெரியவர்கள் வரை கூட்டு கணக்கைத் திறக்க தகுதியுடையவர் ஆவார்கள்.
கூடுதலாக, 10 வயது மற்றும் அதற்கு மேற்பட்ட குழந்தைகள் தங்கள் பெயரில் கிஷான் விகாஸ் பத்ரா கணக்குகளைத் திறக்கலாம். மேலும், பாதுகாவலர்கள் சிறார்கள் அல்லது மனநலம் குன்றியவர்கள் சார்பாக கணக்குகளை திறக்கவும் அங்கீகரிக்கப்பட்டுள்ளனர்.
குறைந்தப்பட்ச முதலீடு
கிஷான் விகாஸ் பத்ரா திட்டத்தை ரூ.1000 முதலீட்டில் தொடங்கலாம். மேலும், 100 இன் மடங்குகளில் முதலீடு செய்ய வேண்டும்.
உதாரணமாக நீங்கள் ரூ.5 ஆயிரம் முதலீடு செய்தால், முதிர்ச்சியின்போது ரூ.10 ஆயிரம் கிடைக்கும்.
நாளொன்றுக்கு ரூ.200 சேமிப்பு
KVP திட்டத்தின் முக்கிய ஈர்ப்பு அதன் இரட்டிப்பு அம்சமாகும், அதாவது உங்கள் முதலீட்டுத் தொகை முன்னரே தீர்மானிக்கப்பட்ட காலத்தில் இரட்டிப்பாகும். தற்போது, KVP இன் இரட்டிப்பு காலம் 115 மாதங்கள் அல்லது தோராயமாக 9 ஆண்டுகள் மற்றும் 7 மாதங்கள் ஆகும். அதாவது ஒரு வருடத்திற்கு தொடர்ந்து தினமும் ரூ.200 முதலீடு செய்தால், பத்தாண்டுகளுக்குள் உங்கள் முதலீடு இரட்டிப்பாகும்.
ஒரு வருடத்திற்கு ஒரு நாளைக்கு ரூ.200 முதலீடு செய்தால், அந்த ஆண்டுக்கான மொத்த முதலீடு ரூ.73,000 (200 * 365) ஆகும். இரட்டிப்பு காலம் 115 மாதங்களில் 7.5 சதவீத வருடாந்திர வட்டி விகிதத்துடன் (ஆண்டுதோறும் கூட்டும்) நிர்ணயிக்கப்பட்டால், உங்கள் முதலீடு தோராயமாக 9 ஆண்டுகள் மற்றும் 7 மாதங்களில் ரூ.1,46,000 ஆக இரட்டிப்பாகும்.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
Stay updated with the latest news headlines and all the latest Lifestyle news. Download Indian Express Tamil App - Android or iOS.