ஒரு நொடிக்குள் வங்கிக் கணக்கை வேறு கிளைக்கு மாற்றலாம்; அதுவும் இவ்வளவு ஈஸியா!

SBI Account branch transfer online : இந்தியாவில் உள்ள மிகப்பெரிய வங்கி எஸ்.பி.ஐ ஆகும். இந்த வங்கிக்கு நாடு முழுக்க 24 ஆயிரத்துக்கும் மேற்பட்ட கிளைகள் உள்ளன. இந்த வங்கியில் பலரும் வாடிக்கையாளர்களாக உள்ளனர்.
ஏனெனில் தங்களின் குடியிருப்பு அல்லது வணிக பகுதிக்கு ஏதேனும் ஒரு கிளை நிச்சயம் இருப்பதால் வாடிக்கையாளர்கள் எஸ்.பி.ஐ. வங்கியை பெரிதும் விரும்புகின்றனர்.

எனினும் கடந்த காலங்களில் வாடிக்கையாளர் ஒருவர் மாறுதலாகி வேறு பகுதிக்கு செல்லும்போது வங்கி கணக்கை மாற்றுவது மிகப்பெரிய சிரமமாக இருந்தது.
வங்கி கணக்கை மற்றொரு கிளைக்கு மாற்ற நீண்ட வரிசையில் காத்திருக்க வேண்டும். படிவத்தை நிரப்பி கொடுத்து ஒப்புதல் பெற்ற பின்னரும் பல நாள்கள் காத்திருக்க வேண்டும். ஆனால் தற்போது அந்தப் பிரச்னை இல்லை.

உங்கள் வங்கிக் கிளையை மாற்ற விரும்பினால், அதை வீட்டில் இருந்தபடியே ஆன்லைனிலும் செய்யலாம். அதற்கு முதலில் உங்கள் மொபைல் எண்ணை வங்கியில் பதிவு செய்ய வேண்டும்.

ஆன்லைனில் மாற்றுவது எப்படி?

1) வங்கியின் அதிகாரப்பூர்வ இணையதள முகவரியை (www.onlinesbi.com) பார்வையிடவும்.
2) உங்கள் நெட் பேங்கிங்கை அணுக உங்கள் உள்நுழைவு சான்றுகளைப் பயன்படுத்தவும். முதல் முறை பயனர்கள் உள்நுழைவை உருவாக்க வேண்டும்.
3) உள்நுழைந்ததும், 'இ-சேவைகள்' என்பதை கிளிக் செய்யவும்.
4) இப்போது விரைவு இணைப்புகளின் கீழ் 'சேமிப்புக் கணக்கை மாற்றுதல்' என்பதைக் கிளிக் செய்யவும்.
5) ஒரு புதிய பக்கம் திறக்கும். இப்போது நீங்கள் மாற்ற விரும்பும் கணக்கைத் தேர்ந்தெடுக்கவும். உங்களிடம் ஒரே ஒரு எஸ்பிஐ கணக்கு இருந்தால், அது இயல்பாகவே தேர்ந்தெடுக்கப்படும்.

6) இப்போது உங்கள் கணக்கை மாற்ற விரும்பும் கிளைக் குறியீட்டை உள்ளிடவும்.
7) கிளைக் குறியீட்டைப் பெறு என்பதைக் கிளிக் செய்து கிளையைத் தேர்ந்தெடுக்கவும்.
8) புதிய கிளையின் பெயரை உள்ளிட்டு, விதிமுறைகள் மற்றும் நிபந்தனைகளை ஏற்றுக்கொண்ட பிறகு சமர்ப்பி என்பதைக் கிளிக் செய்யவும்.
9) இப்போது உங்கள் பதிவு செய்யப்பட்ட மொபைல் எண்ணில் OTP கிடைக்கும். அதை உள்ளிடவும், வங்கி கிளையை மாற்றுவதற்கான உங்கள் கோரிக்கை பதிவு செய்யப்படும்.
10) சில நாட்களுக்குள், உங்கள் கிளை மாற்றப்படும்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“