scorecardresearch

ITR Filing: Form 16 வாங்கிட்டீங்களா? இதை முக்கியமா கவனிங்க!

Last date for issuing Form 16 extended till July 31: Here’s how you may still file ITR for AY 2021-22: 2020-21 நிதியாண்டில், தனிநபர் வரி செலுத்துவோரின் வருமான வரி விதிப்பை செப்டம்பர் 30, 2021 வரை தாக்கல் செய்ய மத்திய நேரடி வரிவருவாய் வாரியம் நீட்டித்துள்ளது

2020-21 நிதியாண்டிற்கான வருமான வரி அறிக்கையை (ஐ.டி.ஆர்) தாக்கல் செய்வதற்கான கடைசி தேதி செப்டம்பர் 30,2021 வரை நீட்டிக்கப்பட்டுள்ளது. ஐ.டி.ஆர் தாக்கல் செய்யும் கடைசி தேதி பொதுவாக ஜூலை 31 ஆகும். தற்போது இந்த காலக்கெடு நீட்டிக்கப்பட்டுள்ளதால், இது வரை தொடர்புடைய மதிப்பீட்டு ஆண்டுக்கான வருமானத்தை தாக்கல் செய்யலாம். “வருமான வரிச் சட்டத்தின்படி, தனிநபர் வரி செலுத்துவோரின் வருமான வரி அறிக்கையைத் தாக்கல் செய்ய வேண்டிய தேதி ஜூலை 31 ஆகும். 2020-21 நிதியாண்டில், தனிநபர் வரி செலுத்துவோரின் வருமான வரி விதிப்பை செப்டம்பர் 30, 2021 வரை தாக்கல் செய்ய மத்திய நேரடி வரிவருவாய் வாரியம் நீட்டித்துள்ளது, இப்போது தனிநபர் வரி செலுத்துவோர் தனது வருமான வரிவிதிப்பை செப்டம்பர் 30 வரை தாக்கல் செய்யலாம் ”என்று Taxbuddy.com நிறுவனர் சுஜித் பங்கர் கூறுகிறார்.

சம்பளம் பெறும் ஊழியர்கள் தங்கள் நிறுவனங்களிடமிருந்து படிவம் 16 ஐப் பெறுகிறார்கள், இது ஐ.டி.ஆரைத் தாக்கல் செய்ய உதவுகிறது. இப்போது, நிறுவனங்கள் தங்கள் ஊழியர்களுக்கு படிவம் 16 ஐ வழங்கக்கூடிய கடைசி தேதியும் நீட்டிக்கப்பட்டுள்ளது. “வருமான வரிச் சட்டத்தின்படி, நிறுவனங்கள் ஒவ்வொரு ஆண்டும் நிதியாண்டு முடிவடைந்த பின்னர் ஜூன் 15 ஆம் தேதிக்கு முன் படிவம் -16 ஐ ஊழியருக்கு வழங்க வேண்டும். 2020-21 நிதியாண்டில், சிபிடிடி படிவம் 16 ஐ வழங்குவதற்கான தேதியை நீட்டித்துள்ளது. நிறுவனங்கள் தங்கள் பணியாளருக்கு படிவம் 16 ஐ வழங்குவதற்கான புதிய காலக்கெடு ஜூலை 31, 2021 ஆகும், ”என்று பங்கர் தெரிவிக்கிறார்.

ஊழியரின் வங்கிக் கணக்கை மாத சம்பளத்துடன் வரவு வைப்பதற்கு முன், மூலத்தில் உள்ள வரி ஏற்கனவே நிறுவனத்தால் கழிக்கப்படுகிறது. படிவம் 16 என்பது செலுத்தப்பட்ட மொத்தத் தொகையின் சுருக்கமாகும், இது அடிப்படையில் பணியாளருக்கான டி.டி.எஸ் சான்றிதழாகும். படிவம் 16 இல் ‘சம்பளம்’ என்ற தலைப்பில் வருமானம் வசூலிக்கப்படுவது, ஊழியரால் அறிவிக்கப்பட்ட வேறு வருமானம், பிரிவு 80 சி, பிரிவு 80 டி போன்ற அத்தியாயம் VI-A இன் கீழ் பல்வேறு விலக்குகள் ஆகியவற்றைக் கொண்டு உள்ளது.

ஆனால், படிவம் 16 ஐப் பெறாமல் 2021-22 மதிப்பீட்டு ஆண்டிற்கான ஐடிஆரை யாராவது தாக்கல் செய்ய விரும்பினால் என்ன செய்வது? “நிறுவனம் பணியாளருக்கு படிவம் 16 ஐ வழங்கத் தவறினால் மற்றும் பணியாளர் தனது வருமான வரி அறிக்கையை தாக்கல் செய்ய விரும்பினால், வரி செலுத்துவோர் தனது மாத சம்பள சான்றிதழை நிதியாண்டிற்கான சம்பள வருமானத்தை கணக்கிடுவதற்கு பயன்படுத்தலாம். வரி செலுத்துவோர் அவரது சம்பள வருமானத்தை கணக்கிடுவதற்கான அடிப்படையாக அனைத்து 12 மாத சம்பள சீட்டையும் நிறுவனத்திடம் இருந்து பெறலாம், ”என்கிறார் பங்கர்.

மேலும், குறிப்பாக டி.டி.எஸ் பிடித்தம் உள்ளவர்கள் மற்றும் வேறு வருமானம் இல்லாதவர்கள் என பல வரி செலுத்துவோர் ஐ.டி.ஆரை தாக்கல் செய்ய விரும்புகிறார்கள். “உங்கள் மொத்த வருமானம் அடிப்படை விலக்கு வரம்பை விட குறைவாக இருந்தால், அதாவது ரூ .2.5 லட்சம் மற்றும் டி.டி.எஸ் பிடித்தம் செய்யப்பட்டுவிட்டால், நீங்கள் வருமான வரி அறிக்கையை தாக்கல் செய்ய வேண்டும். ஐ.டி.ஆர் தாக்கல் செய்யும்போது டி.டி.எஸ். பற்றி நினைவில் கொள்ளுங்கள், ஐ.டி.ஆர் தாக்கல் செய்ய, படிவம் 16 கட்டாயமில்லை. உங்கள் TDS விவரங்களை 26AS இல் காணலாம். புதிய வருமான வரி போர்ட்டலில், டி.டி.எஸ் விவரங்கள் டாஷ்போர்டில் எளிதில் கிடைக்கின்றன, ”என்று பங்கர் தெரிவிக்கிறார்.

மேலும், புதிய வரி முறையைத் தேர்வுசெய்யவோ அல்லது பழைய வரி முறையைத் தொடரவோ, படிவம் 16 உங்களுக்கு தேவையான விருப்பத்தைக் காண்பிக்கும். படிவம் 16 வடிவத்தில் மாற்றத்தைக் கொண்டுவருவதன் மூலம் இது வழங்கப்பட்டுள்ளது. “அறிவிப்பின் படி படிவம் 16 இல் ஒரு மாற்றம் மட்டுமே அறிவிக்கப்படுகிறது, இது படிவம் 16 இன் பகுதி B இல் உள்ளது. புதிய மாற்றத்தின்படி, நிறுவனங்கள் அவர்களின் பணியாளர் புதிய வரி முறையைத் தேர்வுசெய்தது பற்றி வாரியத்திற்கு தெரிவிக்க வேண்டும் ”என்று பங்கர் தெரிவிக்கிறார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil

Stay updated with the latest news headlines and all the latest Business news download Indian Express Tamil App.

Web Title: Last date for issuing form 16 extended till july 31 heres how you may still file itr for ay 2021 22