மகளிருக்கான பிரத்யேக எல்.ஐ.சி., திட்டம்.. ரூ.58 முதலீடு செய்தால் ரூ.8 லட்சம் ரிட்டன்

இந்திய ஆயுள் காப்பீட்டுக் கழகம் (எல்ஐசி) சமூகத்தின் ஒவ்வொரு பிரிவினருக்கும் பாலிசிகளைக் கொண்டுள்ளது. காப்பீட்டுத் துறையில் சந்தையில் முன்னணியில் இருப்பதற்கு இதுவே காரணம்.

3 லட்சம் காப்பீடு

இது அனைத்து வருமான குழுக்களுக்கான திட்டங்களையும் கொண்டுள்ளது. அந்த வகையில், எல்ஐசி ஆதார் ஷீலா பாலிசியானது குறைந்த மற்றும் நடுத்தர வருவாய் பிரிவினருக்கானது. இதில், குறைந்தபட்ச காப்பீட்டுத் தொகை ரூ. 75000 மற்றும் அதிகபட்சம் ரூ. 3 லட்சம் ஆகும்.

எல்ஐசி ஆதார் ஷீலா திட்டத்தில் முதலீடு செய்ய நீங்கள் ஒரு நாளைக்கு ஒரு சிறிய தொகையை ஒதுக்கினால் போதுமானது. மேலும் பெரும்பாலான எல்ஐசி பாலிசிகளைப் போலவே இதுவும் நீண்ட கால முதலீடாகும்.

அந்த வகையில், ஒருவர் தினமும் ரூ.58 முதலீடு செய்தால், முதிர்வு நேரத்தில் லட்சக்கணக்கான ரூபாய் கிடைக்கும். திட்டத்தின் முக்கிய அம்சங்களை ஆராய்வோம்.

எல்ஐசி ஆதார் ஷீலா

எல்ஐசியின் ஆதார் ஷீலா என்பது இணைக்கப்படாத, பங்கேற்கும், தனிநபர், ஆயுள் காப்பீட்டுத் திட்டமாகும். இது பாதுகாப்பையும் சேமிப்பையும் வழங்குகிறது. பாலிசிதாரரின் துரதிர்ஷ்டவசமான மரணம் ஏற்பட்டால் குடும்பத்திற்கு நிதி உதவி மற்றும் முதிர்வு நேரத்தில் ஒரு மொத்த தொகையை வழங்குகிறது. இதில் கடன் வசதியும் உள்ளது.

இறப்பின் போது உறுதியளிக்கப்பட்ட தொகை என்பது வருடாந்திர பிரீமியத்தின் ஏழு மடங்கு மற்றும் அடிப்படை காப்பீட்டுத் தொகையில் 110 சதவீதம் ஆகும். இந்தத் திட்டத்தில் 8 ஆண்டுகள் மற்றும் அதிகபட்ச நுழைவு வயது 55 ஆண்டுகள் வயது உள்ள நபர்கள் விண்ணப்பிக்கலாம்.

பாலிசி காலம் 10 முதல் 20 ஆண்டுகள் ஆகும். பெண்களுக்கான இத்திட்டம் லாயல்டி கூட்டல் அம்சத்தையும் கொண்டுள்ளது. பிரீமியங்களை மாதாந்திர, காலாண்டு, அரையாண்டு மற்றும் வருடாந்திர முறையில் செலுத்த வேண்டும்.

8 லட்சம் பெறுவது எப்படி?

உங்கள் வயது 20 ஆண்டுகள் எனில் நீங்கள் ஒவ்வொரு நாளும் 58 ரூபாய் வீதம் முதலீடு செய்தால், வருடத்திற்கு 21,918 ரூபாய் முதலீடு செய்திருப்பீர்கள்.

20 ஆண்டுகளுக்குப் பிறகு, நீங்கள் முதலீடு செய்த தொகை ரூ. 4 லட்சத்து 29 ஆயிரத்து 392 ஆக இருக்கும். முதிர்வு நேரத்தில், நீங்கள் 7 லட்சத்து 94 ஆயிரம் ரூபாய் பெறலாம்.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil/