Advertisment

எல்ஐசி ஐபிஓ அறிமுகம்: 9% தள்ளுபடியில் பங்குகள் பட்டியல்; முதலீட்டாளர்கள் ஏமாற்றம்

LIC lists at 8.11% discount at Rs 872 per share on NSE: எல்ஐசி பங்குகள் பட்டியலிடப்படுவதற்கு முன்பு, பங்குகள் ஓரளவு தள்ளுபடியில் வர்த்தகம் செய்யப்பட்டன. ஆய்வாளர்களும் தங்கள் எதிர்பார்ப்புகளில் கலந்திருந்தனர்.

author-image
WebDesk
New Update
LIC IPO listing, shares begin trading 9% lower

LIC IPO Listed on nse

LIC IPO Listing Tamil News: இந்திய ஆயுள் காப்பீட்டுக் கழகத்தின் (LIC) பங்குகள் இன்று பங்குச் சந்தை குறியீடு சென்செக்ஸில் ரூ. 867.2 என்ற விலையில் பட்டியலிடப்பட்டது. அதன் ஐபிஓ (ஆரம்ப பொதுப்பங்களிப்பு) வெளியீட்டு விலையான ரூ. 949ஐ விட 8.62 சதவீதம் தள்ளுபடியுடன் தொடங்கப்பட்டது. தேசிய அளவில் பங்குச் சந்தை நிஃப்டியில் கவுண்டர் 8.11 சதவீதம் தள்ளுபடியில் பட்டியலிடப்பட்டுள்ளது. ஏலத்தில் சில்லறை முதலீட்டாளர்கள் மற்றும் பாலிசிதாரர்களுக்கு ஒரு பங்கிற்கு முறையே ரூ.45 மற்றும் ரூ.60 தள்ளுபடி அளிக்கப்பட்டது.

Advertisment

சில்லறை வணிகம், பணியாளர்கள் மற்றும் பாலிசிதாரர்களுக்கு பெரிய இழப்புகள் இல்லை

எல்ஐசி பங்குகள் பட்டியலிடப்படுவதற்கு முன்பு, பங்குகள் ஓரளவு தள்ளுபடியில் வர்த்தகம் செய்யப்பட்டன. ஆய்வாளர்களும் தங்கள் எதிர்பார்ப்புகளில் கலந்திருந்தனர். இருப்பினும், எல்ஐசி சில்லறை முதலீட்டாளர்கள், அதன் ஊழியர்கள் மற்றும் எல்ஐசி பாலிசிதாரர்களுக்கு தள்ளுபடியை வழங்கியது. இதையே கணக்கில் எடுத்துக்கொண்டால், சில்லறை முதலீட்டாளர்கள் மற்றும் எல்ஐசி ஊழியர்களுக்கான பிரேக்-ஈவன் விலையானது ஒரு பங்கிற்கு ரூ.904 ஆக இருந்தது, இது வெளியீட்டு விலையை விட 5% குறைவாகும்.

இதற்கிடையில், எல்ஐசியின் பாலிசிதாரர்களுக்கு ஒரு பங்கிற்கு ரூ.60 தள்ளுபடி வழங்கப்பட்டது, இது ஒரு பங்கின் முறிவு விலை ரூ.889க்கு வழிவகுத்தது. ஒரு பங்கின் பட்டியலிடப்பட்ட விலையான ரூ.872ஐக் கருத்தில் கொண்டு, பாலிசிதாரர்கள், சில்லறை முதலீட்டாளர்கள் மற்றும் எல்ஐசியின் பணியாளர்கள் பெரிய நஷ்டத்தை எதிர்நோக்கவில்லை.

எல்ஐசியின் மதிப்பு 6 லட்சம் கோடி

நரேந்திர மோடி தலைமையிலான மத்திய அரசு எல்ஐசியின் ஆரம்பப் பொதுப் பங்களிப்பின் (IPO) மூலம், அதன் 3.5 சதவீத பங்குகளை 22.13 கோடி பங்குகளை விற்று ரூ. 20,557 கோடியை திரட்டு முயன்றுள்ளது. இது இந்திய முதன்மைச் சந்தையில் மிகப்பெரிய வெளியீடாக அமைந்தது.

எல்ஐசி நிறுவனம் அதன் பங்குகளை ஒவ்வொன்றும் ரூ.902 முதல் 949 வரை என விற்றது. இதற்காக, வார இறுதி நாட்களையும் சேர்த்து மே 4 முதல் மே 9 வரை இந்த வெளியீடு சந்தாவிற்கு திறக்கப்பட்டது. காப்பீட்டாளரின் ஊழியர்கள் மற்றும் பாலிசிதாரர்களின் வலுவான கோரிக்கையின் காரணமாக, ஒட்டுமொத்தமாக 2.95 மடங்கு சந்தா செலுத்தப்பட்டது.

புதிய வணிக பிரீமியங்களில் 66 சதவீதத்திற்கும் அதிகமான சந்தைப் பங்கைக் கொண்டு எல்ஐசி இந்தியாவின் மிகப்பெரிய காப்பீட்டு நிறுவனமானது. இதில், 2,048 கிளைகள், 113 பிரிவு அலுவலகங்கள் மற்றும் 1,554 சாட்டிலைட் அலுவலகங்கள் மூலம் செயல்படுகிறது. இது பிஜி, மொரிஷியஸ், பங்களாதேஷ், நேபாளம், சிங்கப்பூர், இலங்கை, ஐக்கிய அரபு எமிரேட்ஸ், பஹ்ரைன், கத்தார், குவைத் மற்றும் ஐக்கிய அமீரகம் ஆகிய நாடுகளில் உலகளவில் செயல்படுகிறது.

செப்டம்பர் 2021 நிலவரப்படி, எல்ஐசியின் மொத்த AUM ரூ.39 லட்சம் கோடியாக இருந்தது. மத்திய அரசு எல்ஐசியின் மதிப்பை ரூ.6 லட்சம் கோடியாகக் கணித்துள்ளது. இது நிறுவனத்தின் உட்பொதிக்கப்பட்ட மதிப்பை (EV) ரூ.5.4 லட்சம் கோடியாகக் காட்டிலும் 1.12 மடங்கு அதிகமாகும்.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil

Lic Business Tamil Business Update
Advertisment

Stay updated with the latest news headlines and all the latest Lifestyle news. Download Indian Express Tamil App - Android or iOS.

Follow us:
Advertisment