சீனா, ஹாங்காங், ஜப்பான்.. சுற்றி அடித்த சூறாவளி.. சென்செக்ஸில் 300 புள்ளிகள் காலி

இந்திய பங்குச் சந்தை குறியீடுகள் வெள்ளிக்கிழமை எதிர்மறையான குறிப்பில் முடிவடைந்தன.
மும்பை பங்குச் சந்தை சென்செக்ஸ் 316.94 புள்ளிகள் சரிந்து 61,002.57 ஆகவும், தேசிய பங்குச் சந்தை நிஃப்டி 91.65 புள்ளிகள் சரிந்து 17,944.20 ஆகவும் காணப்பட்டது.

நிஃப்டி ஆயில் & கேஸ் மட்டுமே துறைசார்ந்த லாபத்தை ஈட்டியது. . வங்கி நிஃப்டி 1.2% சரிந்து காணப்பட்டது.

ஆசிய சந்தைகள்

ஆசிய சந்தைகள் வெள்ளிக்கிழமை பெரும்பாலும் சிவப்பு நிறத்தில் முடிவடைந்தன.
சீனாவின் ஷாங்காய் கூட்டு குறியீடு 0.77% சரிந்தது. ஜப்பானின் நிக்கேய் 225 0.66% சரிந்தது.

தென் கொரியாவின் KOSPI கிட்டத்தட்ட 1% சரிந்தது, ஹாங்காங்கின் ஹாங் செங் 1.28% சரிந்தது.

இந்திய ரூபாய் மதிப்பு

அமெரிக்க டாலருக்கு எதிரான இந்திய ரூபாயின் மதிப்பு 0.11% அதிகரித்து 82.82 ஆக இருந்தது.

தங்கம், வெள்ளி

ஏப்ரல் டெலிவரிக்கான மல்டி கமாடிட்டி எக்ஸ்சேஞ்சில் தங்கம் 375 புள்ளிகள் அல்லது 0.67% குறைந்து ரூ. 55,853 ஆகவும், மார்ச் டெலிவரிக்கான வெள்ளி 1074 புள்ளிகள் அல்லது 1.64% குறைந்து ரூ.64,559 ஆகவும் காணப்பட்டது.

கச்சா எண்ணெய்

மார்ச் டெலிவரிக்கான WTI கச்சா 2.06% குறைந்து $76.87 ஆக இருந்தது.
அதே சமயம் மார்ச் டெலிவரிக்கான ப்ரெண்ட் க்ரூட் ஃபியூச்சர்ஸ் 2.15% குறைந்து $83.39க்கு விற்பனையானது.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil/