மல்டி-கமாடிட்டி எக்ஸ்சேஞ்சில் சரியும் தங்கம்.. இந்திய, ஜப்பான் சந்தைகள் உயர்வு.. சரிவில் சீனா

இந்தியப் பங்குச் சந்தைகள் இன்றைய வணிகத்தை உயர்வுடன் நிறைவு செய்தன. மும்பை பங்குச் சந்தை (பிஎஸ்இ) சென்செக்ஸ் 60,340க்கு மேலேயும், தேசிய பங்குச் சந்தை (என்எஸ்இ) நிஃப்டி 50 17750க்கு மேலேயும் முடிவடைந்தது.

இந்திய பங்குச் சந்தை

பேங்க் நிஃப்டி-ஐ பொறுத்தமட்டில் 41550க்கு மேல் முடிவடைந்தது. தேசிய பங்குச் சந்தையில், இண்டஸ்இண்ட் வங்கி (4.81%), அதானி போர்ட்ஸ் (3.06%), அதானி எண்டர்பிரைசஸ் (2.83%), பஜாஜ் ஆட்டோ (2.20% வரை) மற்றும் லார்சன் & டூப்ரோ ( 1.44%) லாபம் ஈட்டின.

மறுபுறம் பஜாஜ் ஃபைனான்ஸ் (2.20% சரிவு), ஹிண்டால்கோ (1.39% சரிவு), டெக் மஹிந்திரா (1.02% சரிவு), இன்ஃபோசிஸ் (0.96% சரிவு) மற்றும் அப்பல்லோ மருத்துவமனை (0.84% சரிவு) சரிவை கண்டது.

ஆசிய பங்குச் சந்தை

ஆசிய சந்தைகள் புதன்கிழமை அமர்வை பெரும்பாலும் சிவப்பு நிறத்தில் முடித்தன.
ஹாங்காங்கின் ஹாங் செங் 2.35%, தென் கொரியாவின் KOSPI 1.28% மற்றும் சீனாவின் ஷாங்காய் கூட்டு குறியீடு 0.06% சரிந்தது,
எனினும் ஜப்பான் சந்தைகள் லாபத்தில் வணிகமாகின.

இந்திய ரூபாய் மதிப்பு

அமெரிக்க டாலருக்கு எதிரான இந்திய ரூபாயின் மதிப்பு மாலை 3:05 மணிக்கு (IST) 0.11% குறைந்து 82 ஆக இருந்தது.

தங்கம், வெள்ளி

மே டெலிவரிக்கான மல்டி-கமாடிட்டி எக்ஸ்சேஞ்சில் வெள்ளி 363 புள்ளிகள் அல்லது 0.58% குறைந்து ரூ.61,843.00 ஆகவும், ஏப்ரல் டெலிவரிக்கான தங்கம் 108 புள்ளிகள் அல்லது 0.20% குறைந்து ரூ. 54,914.00 ஆக பிற்பகல் 3:15 மணிக்கு (IST) இருந்தது.

கச்சா எண்ணெய்

ஏப்ரல் டெலிவரிக்கான WTI கச்சா 0.27% குறைந்து $77.37 ஆக இருந்தது. அதே சமயம் ஏப்ரல் டெலிவரிக்கான ப்ரெண்ட் க்ரூட் ஃப்யூச்சர்ஸ் 0.19% குறைந்து $83.13 இல் பிற்பகல் 3:15 மணிக்கு (IST) வர்த்தகம் செய்யப்பட்டது.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil/