வாரத்தின் முதல் நாள் வர்த்தகத்தை இந்தியப் பங்குச் சந்தைகள் நஷ்டத்தில் நிறைவு செய்தன.
தேசிய பங்குச் சந்தை நிஃப்டி 50 111.65 புள்ளிகள் அல்லது 0.65% சரிந்து 16,988.40 ஆக காணப்பட்டது. மும்பை பங்குச் சந்தை சென்செக்ஸ் 360.95 புள்ளிகள் அல்லது 0.62% குறைந்து 57,628.95 ஆக இருந்தது.
துறைசார் குறியீடுகளில், பேங்க் நிஃப்டி 236.15 புள்ளிகள் அல்லது 0.60% சரிந்து 39,361.95 ஆக காணப்பட்டது.
தொடர்ந்து, நிஃப்டி ஐடி 1.43%, நிஃப்டி ஆட்டோ 0.93%, நிஃப்டி PSU வங்கி 0.74%, நிஃப்டி மெட்டல் 2.35% சரிந்தது.
ஆசிய சந்தைகள்
ஆசிய சந்தைகள் திங்கள்கிழமை அமர்வை நஷ்டத்தில் முடித்தன. ஹாங்காங்கின் ஹாங் செங் 2.65%, தென் கொரியாவின் KOSPI 0.69%, ஜப்பானின் Nikkei 225 1.42% மற்றும் சீனாவின் ஷாங்காய் கூட்டு குறியீடு 0.48% சரிந்தன.
இந்திய ரூபாய் மதிப்பு
அமெரிக்க டாலருக்கு எதிரான இந்திய ரூபாயின் மதிப்பு மாலை 3:30 மணிக்கு (IST) 0.11% குறைந்து 82.63 ஆக இருந்தது.
தங்கம், வெள்ளி
ஏப்ரல் டெலிவரிக்கான தங்கம் 396 புள்ளிகள் அல்லது 0.67% உயர்ந்து 3:30 PM (IST) மணிக்கு ரூ. 59,779 ஆக இருந்தது. மே டெலிவரிக்கான மல்டி கமாடிட்டி எக்ஸ்சேஞ்சில் வெள்ளி 540 புள்ளிகள் அல்லது 0.79% உயர்ந்து ரூ.69,041 ஆக இருந்தது.
கச்சா எண்ணெய்
ஏப்ரல் டெலிவரிக்கான WTI கச்சா 3.12% குறைந்து $64.63 ஆக இருந்தது, மே டெலிவரிக்கான ப்ரெண்ட் க்ரூட் 3.04% குறைந்து $70.75 ஆக வர்த்தகம் செய்யப்பட்டது.
தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil/
