முன்னாள் மத்திய நிதியமைச்சர் ப.சிதம்பரம் விஸ்தாரா மற்றும் ஏர் இந்தியா நிறுவனங்களின் வணிக வகுப்புகளுக்கான (Business Class) அதிகப்படியான விமானக் கட்டணங்கள் குறித்து கடுமையாக விமர்சித்தார்.
”டெல்லி-சென்னை வணிக வகுப்பு விமானக் கட்டணம் இப்போது முறையே ரூ.63,000 மற்றும் ரூ.57,000 செலவில் 'மிகவும் நியாயமானது'. மற்ற தடையற்ற சந்தைப் பொருளாதாரங்களைப் போலல்லாமல், தேவை அதிகரிக்கும் போது இந்தியாவில் விலைகள் அதிகரிக்கும். விமான நிறுவனங்கள் வழித்தடங்களை விரிவுபடுத்துகின்றன, பழைய வழித்தடங்களில் விமானங்களைக் குறைத்து, விலையை உயர்த்தி வருகின்றன” என்று ப.சிதம்பரம் கூறினார்.
இதையும் படியுங்கள்: ரூ.2,000 நோட்டு வாபஸ்; பொதுமக்களிடம் இருந்த ரொக்கம் ரூ.83,242 கோடி குறைவு
இதுகுறித்து ப.சிதம்பரம் தனது ட்விட்டர் பக்கத்தில், "விஸ்தாரா மற்றும் ஏர் இந்தியாவில் டெல்லி-சென்னை வணிக வகுப்பு விமான டிக்கெட்டுகள் முறையே ரூ.6300 மற்றும் ரூ.5700 என 'நியாயமான' விலையில் அமைக்கப்பட்டுள்ளன. அச்சச்சோ, மன்னிக்கவும், அவை முறையே 'மிக நியாயமான' விலையாக ரூ.63,000 மற்றும் ரூ.57,000 என அமைக்கப்பட்டுள்ளன. தடையற்ற சந்தைகளில், தேவை அதிகரிக்கும் போது, சப்ளை அதிகரிக்கும், இந்தியாவின் சுதந்திர சந்தையில், தேவை அதிகரிக்கும் போது, விலைகள் அதிகரிக்கும். விமான நிறுவனங்கள் தங்கள் வழித்தடங்களை விரிவுபடுத்தும், பழைய வழித்தடங்களில் விமானங்களைக் குறைத்து, விலையை உயர்த்தும். ஏகபோக முதலாளித்துவத்தில் இந்தியா உலகிற்கு விஸ்வகுருவாக இருக்கும்," என்று பதிவிட்டுள்ளார்.
ப.சிதம்பரத்தின் இந்த கருத்துக்களுக்கு நெட்டிசன்கள் ஆதரவும் எதிர்ப்பும் தெரிவித்துள்ளனர். நெட்டிசன்கள் பலரும், சாதாரண (எகானமி) வகுப்புகளில் பயணிக்கலாமே என ப.சிதம்பரத்தின் ட்வீட்டிற்கு பதில் அளித்துள்ளனர்.
ஒரு ட்விட்டர்வாசி, “ரூ 63,000/ரூ 57,000!!!! எகானமி வகுப்பில் செல்லாமே. வெறும் 3 மணி நேர பயணம். இருக்கைகள் காலியானால், விமான நிறுவனங்கள் விலையைக் குறைக்கும்,” என்று எழுதினார்.
ப.சிதம்பரத்தின் கருத்துகள் குறித்து சிவில் விமான போக்குவரத்து அமைச்சர் ஜோதிராதித்ய சிந்தியாவின் பதிலுக்காக காத்திருப்பதாக மற்றொரு பயனர் கூறினார். அவர் “ஜோதிராதித்யா சிந்தியாவின் பதிலுக்காக நான் காத்திருக்கிறேன், அதைவிட ஆவலாக நீங்கள் ஏன் வணிக வகுப்பில் பயணம் செய்கிறீர்கள்? ஏன் எகானமி வகுப்பில் பயணிக்கவில்லை? திரு ப.சிதம்பரம் ஒரு புத்திசாலி அரசியல்வாதியாகவும், தொழில் நிபுணராகவும், சென்னை-டெல்லியில் இருந்து எகானமி வகுப்பு கட்டணத்தையும் சரிபார்த்திருப்பார் என்று நான் உறுதியாக நம்புகிறேன், இது இந்த நாட்களில் ரூ. 30,000 ஆகும்,” என்று எழுதினார்.
”உச்ச நீதிமன்றம் மற்றும் டெல்லி உயர் நீதிமன்ற வழக்குகளில் வாதாட ஒரு நாளைக்கு குறைந்தபட்சம் 10-20 லட்சங்கள் வசூலிக்கும் வக்கீல்கள் மட்டுமே வணிக வகுப்பில் பயணிக்கிறார்கள் என்று விமான நிறுவனங்களுக்குத் தெரிந்திருக்கலாம், மேலும் அவர்களின் வாடிக்கையாளர்கள் எப்போதும் அந்தக் கட்டணத்தை ஏற்றுக்கொள்வார்கள், எனவே திரு ப.சிதம்பரம் அதைப் பொருட்படுத்தியதில்லை! இது ஒரு தனிப்பட்ட பயணம், அதனால் வேதனை!” என்று மற்றொரு பயனர் எழுதினார்.
இந்த மாத தொடக்கத்தில், குறிப்பிட்ட வழித்தடங்களில் விலை ஏற்றம் குறித்த பிரச்சினையை விவாதிக்க ஏர்லைன்ஸ் ஆலோசனைக் குழுவுடன் அமைச்சர் ஜோதிராதித்யா சிந்தியா ஒரு கூட்டத்தைக் கூட்டினார். தேர்ந்தெடுக்கப்பட்ட வழித்தடங்களில், குறிப்பாக GoFirst ஆல் சேவை செய்த வழிகளில் விமானக் கட்டணங்களை சுயமாக கண்காணிக்கும்படி விமான நிறுவனங்களுக்கு அறிவுறுத்தப்பட்டன. GoFirst சமீபத்தில் திவால் நடவடிக்கைகளுக்காக தாக்கல் செய்தது, இது பெரிய விமான சேவை ரத்துகளுக்கு வழிவகுத்தது.
விமான நிலையங்களில் உள்ள செயல்பாட்டுக் கட்டுப்பாடுகளால் விமானக் கட்டணங்கள் நிர்ணயிக்கப்படுகின்றன என்று வட்டாரங்கள் தெரிவித்தன. ஸ்ரீநகர், லே மற்றும் போர்ட் பிளேர் போன்ற அதிக தேவை உள்ள துறைகள் பாதுகாப்பு அமைச்சகத்தால் அனுமதிக்கப்பட்ட நிலப்பரப்பு, வானிலை மற்றும் இயக்க நேரம் போன்ற கட்டுப்பாடுகளை எதிர்கொள்கின்றன என்றும் அவர்கள் தெரிவித்தனர்.
தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil
/indian-express-tamil/media/agency_attachments/33Ho9XHwZawzDekwDLnu.png)
Follow Us/tamil-ie/media/media_files/uploads/2023/06/Chidambaram.jpg)