விவசாயிகளுக்கு ரூ. 2 ஆயிரம்... உங்க வங்கிக் கணக்கிற்கு பணம் வரணுமா? உடனே இதை பண்ணுங்க

விவசாயம்... இந்தியாவின் முதுகெலும்பு! அந்த முதுகெலும்பிற்குப் பலம் சேர்க்கும் வகையில், மத்திய அரசு கொண்டு வந்த திட்டம்தான் பிரதமர் கிசான் சம்மான் நிதி யோஜனா. இந்தத் திட்டத்தின் கீழ், விவசாயிகளுக்கு ஆண்டுக்கு ரூ.6,000 நிதி உதவி வழங்கப்படுகிறது. இந்தத் தொகை தலா ரூ.2,000 வீதம், மூன்று தவணைகளாக நேரடியாக விவசாயிகளின் வங்கிக் கணக்கில் வரவு வைக்கப்படுகிறது.

கடந்த மாதம், பிரதமர் நரேந்திர மோடி, இந்தத் திட்டத்தின் 20வது தவணையாக சுமார் 9.7 கோடி விவசாயிகளின் வங்கிக் கணக்குகளில் ரூ.20,500 கோடிக்கு மேல் நிதியை விடுவித்தார். இப்போது, அடுத்த தவணையான 21வது தவணை எப்போது வரும் என விவசாயிகள் ஆவலுடன் எதிர்பார்த்துக் காத்திருக்கிறார்கள்.

விவசாயிகளே கவனியுங்கள்!

பி.எம். கிசான் திட்டத்தின் பலன் இன்னும் கிடைக்காத விவசாயிகள், உடனடியாக இந்தத் திட்டத்தில் சேர்ந்து பயன்பெறலாம். எப்படி அப்ளை செய்வது? மிக எளிது!

முதலில் pmkisan.gov.in என்ற இணையதளத்திற்குச் செல்லுங்கள்.

அதில் உள்ள 'Farmers Corner' என்ற பகுதியில் 'New Farmer Registration' என்பதைத் தேர்ந்தெடுத்து, உங்கள் தகவல்களைப் பதிவு செய்யலாம்.

இந்தத் திட்டத்தில் சேர சில முக்கிய நிபந்தனைகள் உள்ளன. நீங்கள் இந்தத் திட்டத்திற்குத் தகுதியானவரா என்பதைச் சரிபார்ப்பது மிகவும் அவசியம்.

யார் யார் விண்ணப்பிக்கலாம்?

விவசாய நிலம் உங்க பெயரில் இருக்க வேண்டும்.

01.02.2019-க்கு முன் நிலம் உங்கள் பெயரில் பதிவு செய்யப்பட்டிருக்க வேண்டும்.

உங்கள் ஆதார் எண், வங்கி கணக்குடன் இணைக்கப்பட்டு இருக்க வேண்டும்.

யார் யார் தகுதியற்றவர்கள்?

 குடும்பத்தில் ஏற்கெனவே ஒருவர் இந்தத் திட்டத்தின் கீழ் பயன்பெற்று வருபவர்.

தங்கள் பெயரில் பயிரிடக்கூடிய நிலம் இல்லாதவர்கள்.

01.02.2019 அன்று 18 வயதுக்குக் கீழ் உள்ளவர்கள்.

நிறுவனத்தின் உரிமையாளர்.

விண்ணப்பதாரர் அல்லது அவரது குடும்ப உறுப்பினர்கள் வெளிநாடு வாழ் இந்தியர்களாக (NRIs) இருந்தால்.

குடும்ப உறுப்பினர்கள் அரசியலமைப்பு பதவிகளை வகிப்பவர்கள்.

குடும்ப உறுப்பினர்கள் மத்திய / மாநில அரசுகளில் முன்னாள் / இந்நாள் அமைச்சர்களாக உள்ளவர்கள்.

குடும்ப உறுப்பினர்கள் மாவட்ட பஞ்சாயத்து தலைவர், மாநகர மேயர், முன்னாள் / இந்நாள் மக்களவை, மாநிலங்களவை, சட்டமன்ற உறுப்பினர்களாக உள்ளவர்கள்.

குடும்ப உறுப்பினர்கள் மத்திய / மாநில அரசுத் துறைகள் மற்றும் மண்டல அலுவலகங்கள் / பொது நிறுவனங்களில் பணிபுரியும் / ஓய்வுபெற்ற அதிகாரிகள் / ஊழியர்கள். (வகுப்பு IV ஊழியர்களைத் தவிர)

உங்கள் குடும்பத்தில் ஏற்கெனவே ஒருவர் இந்தத் திட்டத்தின் கீழ் நிதி உதவி பெற்று வந்தால், நீங்கள் விண்ணப்பிக்க முடியாது.

பி.எம். கிசான் திட்டம், விவசாயிகளின் பொருளாதாரச் சுமையைக் குறைத்து, அவர்களின் வாழ்க்கைத் தரத்தை மேம்படுத்தும் நோக்கில் உருவாக்கப்பட்டது. இதுவரை, இந்தத் திட்டத்தின் கீழ் ரூ.3.90 லட்சம் கோடிக்கு மேல் நிதி விடுவிக்கப்பட்டு, கோடிக்கணக்கான விவசாயிகளின் வாழ்வில் புதிய நம்பிக்கையை ஏற்படுத்தியுள்ளது.

21வது தவணை குறித்த அதிகாரப்பூர்வ அறிவிப்பு விரைவில் வெளியாகும் என எதிர்பார்க்கப்படுகிறது. எனவே, உங்கள் தகவல்கள் சரியாக இருக்கிறதா என்பதை இப்போதே சரிபார்த்துக்கொள்ளுங்கள். பணம் உங்கள் கணக்கில் தானாக வந்து சேரும். விவசாயிகளின் வாழ்வில் ஒரு புதிய அத்தியாயத்தை உருவாக்கும் இந்தத் திட்டம், நிச்சயம் அனைவருக்கும் பயனளிக்கும்!