scorecardresearch

மாதம்தோறும் வருமானம் வேணுமா? போஸ்ட் ஆபீஸில் இந்த ஸ்கீமை தேர்வு பண்ணுங்க!

Post office monthly income scheme benefits: தபால் அலுவலகம் ஒரு மாத வருமான திட்டத்தை வழங்குகிறது, இதில் முதலீட்டாளர்கள் ஒவ்வொரு மாதமும் நியாயமான வருமானத்தை பெறுகிறார்கள். மாத வருமான திட்டத்தின் மிக முக்கியமான அம்சம் என்னவென்றால், ஒவ்வொரு ஆண்டும் முதலீட்டுடன் அதன் வட்டி சேர்க்கப்படுகிறது

தபால் அலுவலகத் திட்டங்கள் பாதுகாப்பான முதலீட்டுத் திட்டங்கள். உங்கள் பணத்தை பாதுகாப்பாக வைத்திருக்க தபால் அலுவலக திட்டங்கள் உதவுகின்றன. மேலும் மற்ற வங்கிகள் போன்ற நிறுவனங்களின் முதலீட்டு திட்டங்களை விட அதிக நன்மைகளை வழங்கக்கூடிய பல நல்ல திட்டங்களை தபால் அலுவலகம் வழங்குகிறது.

தபால் அலுவலகம் வழங்கும் இத்தகைய நன்மை பயக்கும் திட்டங்களில் ஒன்று மாத வருமான திட்டம், இது ஒரு குறிப்பிட்ட காலப்பகுதியில் சிறந்த வருவாயை வழங்குகிறது. இந்த திட்டத்தின் மூலம் முதலீட்டாளர்கள் ஒவ்வொரு மாதமும் ஒரு குறிப்பிட்ட தொகையை சம்பாதிக்க முடியும். மாதாமாதம் வருமானத்தை விரும்புபவர்களுக்கு இந்த திட்டம் சிறந்தது.

மாத வருமான திட்டம்

தபால் அலுவலகம் ஒரு மாத வருமான திட்டத்தை வழங்குகிறது, இதில் முதலீட்டாளர்கள் ஒவ்வொரு மாதமும் நியாயமான வருமானத்தை பெறுகிறார்கள். மாத வருமான திட்டத்தின் மிக முக்கியமான அம்சம் என்னவென்றால், ஒவ்வொரு ஆண்டும் முதலீட்டுடன் அதன் வட்டி சேர்க்கப்படுகிறது.

தபால் அலுவலகத்தின் மாத வருமான திட்டத்திற்கு தற்போது ஆண்டுக்கு 6.6% வட்டி வழங்கப்படுகிறது.

இந்த மாதாந்திர வருமான திட்டத்தின் கீழ் யாராவது கூட்டுக் கணக்கைத் திறந்து அதில் ரூ .9 லட்சம் வரை டெபாசிட் செய்தால், அவர்கள் ஒவ்வொரு மாதமும் ரூ .4,950 சம்பாதிக்கலாம், ஏனெனில் 6.6% வட்டி விகிதத்தில், அசல் மீதான வருடாந்திர வட்டி ரூ .59,400.

உங்கள் வட்டியின் மாதாந்திர தொகை ரூ .4,950 ஆக உள்ளது, இதனை நீங்கள் ஒவ்வொரு மாதமும் திரும்பப் பெற்றுக் கொள்ளலாம். இந்த வழியில், உங்கள் முதலீட்டில் அசல் தொகையை பாதிக்காமல் மாதந்தோறும் வட்டியை பெறுவீர்கள். திட்டம் முதிர்ச்சியடையும் நேரத்தில் நீங்கள் உங்கள் முதலீட்டை திரும்பப் பெறுவீர்கள்.

இந்த திட்டத்தின் முதிர்வு காலம் 5 ஆண்டுகள் ஆகும். எனவே, நீங்கள் தொடர்ந்து 5 ஆண்டுகளுக்கு மாதந்தோறும் 4,950 ரூபாய் வட்டி பெறுவீர்கள். நீங்கள் விருப்பப்பட்டால் இந்த திட்டத்தின் முதிர்வு காலத்தை அதிகரிக்கலாம்.

ஒருவர் இந்த மாத வருமான திட்டத்தின் கீழ் ஒரு கணக்கைத் திறக்கும் பட்சத்தில், அவர் அதிகபட்சமாக 4.5 லட்சம் ரூபாய் வரை டெபாசிட் செய்யலாம், அதே நேரத்தில் நீங்கள் இருவராகவோ அல்லது கணவன் மனைவி இருவரும் சேர்ந்தோ கூட்டுக் கணக்கைத் திறக்கும் பட்சத்தில், அதில் அதிகபட்சமாக 9 லட்சம் ரூபாய் வரை டெபாசிட் செய்யலாம்.

எனவே, கூட்டாக கணக்கு திறக்கும் போது உங்களுக்கு ஒரு நிச்சயமான மாத வருமானம் கிடைக்கும்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil

Stay updated with the latest news headlines and all the latest Business news download Indian Express Tamil App.

Web Title: Post office monthly income scheme in tamil